पावसाळ्यात पायऱ्या अन् गटारांमधून गांडूळ घरात प्रवेश करतायत? मग फॉलो करा ‘हे’ ५ सोपे उपाय; दुसरं काहीच करण्याची गरज नाही

गांडुळे सहसा ओलसर आणि सेंद्रिय पदार्थांनी समृद्ध मातीत राहतात; पण पावसाळ्यात मातीत पाणी साचत, ज्यामुळे त्यांना श्वास घेण्यास त्रास होतो. अशा परिस्थितीत गांडुळे ऑक्सिजनच्या शोधात पृष्ठभागावर येतात आणि पाण्याचा प्रवाह किंवा ओलाव्याच्या शोधात ते घराचा दरवाजा, पायऱ्या, बाल्कनी किंवा गटारांमधून तुमच्या घरात प्रवेश करतात.

गांडुळांना घरापासून दूर ठेवण्यासाठी सोपे उपाय

काही प्रभावी व सोप्या उपायांच्या मदतीने तुम्ही गांडुळांना स्पर्श न करताही त्यांना तुमच्या घरापासून दूर ठेवू शकता.

१) मिठाचा वापर

मीठ गांडुळांसाठी नैसर्गिक उपाय म्हणून काम करते. मिठातील क्षार गांडुळांना मारून टाकतात. त्यामुळे जिथे गांडूळ अधिक प्रमाणात दिसतात, त्या जागी थोडे मीठ शिंपडा, जसे की पायऱ्या किंवा गटारावर आणि बाथरूममध्ये. तुम्ही गांडुळांवर थेट थोडे मीठदेखील टाकू शकता.

२) लिंबू आणि पाण्याचे मिश्रण

पावसाळ्यात घरात सतत गांडूळ येत असतील, तर त्या जागी लिंबू आणि पाण्याचे मिश्रण शिंपडा. कारण- लिंबातील आम्लपणामुळे गांडूळ घरापासून दूर राहतात. त्यासाठी एका स्प्रे बाटलीमध्ये लिंबाचा रस आणि समान प्रमाणात पाणी मिसळा. हे मिश्रण ज्या ठिकाणी गांडूळ दिसतात किंवा जिथे येतात तिथे स्प्रे करा. तुम्ही लिंबाच्या जागी व्हिनेगरदेखील वापरू शकता.

३) हळद पावडर

हळद हा आणखी एक नैसर्गिक पर्याय आहे, जो गांडुळांना दूर ठेवण्यास मदत करू शकतो. जिथे गांडुळे दिसतील, तिथे कोरडी हळद पावडर शिंपडा. हळदीमध्ये अशी काही संयुगे असतात, जी गांडुळांचा नायनाट करतात.

४) डांबर गोळ्या

बाथरूम मध्ये व घरातील सर्व कानाकोपर्यात आपण नेप्थलीन बॉल म्हणजे डांबर गोळ्या पसारवून ठेवा

५) ब्लिचिंग पावडर

बाथरूम व टॉयलेटमध्ये किंवा घराबाहेरील गटरावर ब्लिचिंग पावडर टाका. या पावडरचा गंध खूप उग्र असतो त्यामुळे एक दिवस आड टाकू शकता. किंवा काही वेळ ठेवून व फारशी घासून धुवून काढू शकता.