फुलांनी भरलेली बाल्कनी हवी आहे? मग या पद्धतीनं लावा हे सुंदर फुलांचं झाड; घराबाहेरचा परिसर रंगेबीरंगी फुलांनी भरून जाईल

१. कुंडीची योग्य निवड

बोगनवेलियासाठी कुंडी निवडताना त्याची खोली आणि रुंदी महत्त्वाची असते. साधारणतः १२ ते १६ इंच खोल कुंडी या झाडासाठी योग्य राहते. कुंडीत माती भरण्यापूर्वी त्यात थोडी शेणखत किंवा कंपोस्ट खत मिसळल्यास ती माती अधिक सुपीक आणि झाडासाठी पोषक असते. या प्रक्रियेमुळे बोगनवेलिया झाडाला आवश्यक पोषक तत्त्वे मिळतात आणि त्याची वाढ सुरळीत होते.

२. कुंडीत बोगनवेलिया कशी लावावी?

बोगनवेलिया झाड आपण दोन मार्गांनी लावू शकतो – कटिंगद्वारे किंवा नर्सरीतून थेट झाड आणून. कटिंगद्वारे लागवड करायची असेल, तर तुम्ही कटिंग वापरत असाल, तर ५-६ इंच लांब, मजबूत व हिरवट फांदी निवडा. त्यास ती मातीमध्ये हलकेच लावा आणि हलका पाणी द्या. काही आठवड्यांत ही कटिंग केलेली मुळं वाढून झाड तयार होते. किंवा नर्सरीतून आणण्याचा विचार करीत असाल, तर नर्सरीतून विकत घेतलेले झाड कुंडीत लावताना ते खूप खोल मातीमध्ये न लावता, थोडे वरचे मूळ मातीवर राहील अशा प्रकारे झाड लावा, जेणेकरून त्याची मुळे सहज शोषण करू शकतील.

३. बोगनवेलियाची काळजी कशी घ्यावी?

बोगनवेलियाला जास्त काळजी करण्याची गरज नसली तरी काही गोष्टींचे काळजीपूर्वक पालन न ठेवल्यास झाड सुंदर रीतीने फुलते. या झाडाला प्राधान्याने चांगला सूर्यप्रकाश मिळणे आवश्यक आहे. त्यामुळे कुंडी घराच्या बाल्कनीत किंवा खुल्या जागेत ठेवा. झाडाला नियमित पाणी मिळणे आवश्यक आहे; पण मुळांमध्ये पाणी जास्त प्रमाणात साचू देऊ नये. आठवड्यात दोनदा पाणी देणे पुरेसे असते. झाडाच्या वाढीसाठी हिवाळ्यात थोडे अतिरिक्त खत देणे फायदेशीर ठरते. बोगनवेलिया फुलण्यासाठी थोडासा वेळ लागतो; पण एकदा फुले आली की, त्यामुळे घराचे सौंदर्य वाढवते. या झाडामुळे घराची बाल्कनी फुलांनी सजते आणि वातावरणाला रंगत येते. त्याची आकर्षक फुले आणि पानांची हिरवळ पाहताना मन प्रसन्न होते.

एकंदरीत बोगनवेलिया हे घर आणि बाल्कनीसाठी सुंदर आणि सहज लागणारे रोप आहे. ते कुंडीत लावून, त्याची योग्य रीतीने काळजी घेतल्यास हे झाड दीर्घकाळ घराच्या शोभेत भर घालते. त्यामुळे तुम्हीही आपल्या घरात किंवा बाल्कनीत बोगनवेलियाची लागवड करा आणि निसर्गाचा हा सुंदर उपहार अनुभवायला सुरुवात करा.