बटाटा आणि कांद्याचा रस केसांच्या मजबूतीसाठी फायदेशीर, जाणून घ्या ते कसे वापरायचे

कांद्याच्या रसाचा नियमित वापर केल्याने केस मजबूत होतात आणि ते जाड होतात.

lifestyle
केस मजबूत करण्यासाठी कांदा आणि बटाट्याचा रस खूप फायदेशीर असल्याचे सिद्ध होते.(photo: Pexels and freepik)

केस गळणे ही एक सामान्य समस्या आहे. एका दिवसात ५० ते ६० केस गळत असतील तर काळजीची बाब नाही, पण यापेक्षा जास्त केस गळायला लागले तर काळजी वाढते. गळणाऱ्या केसांच्या जागी नवीन केस न येणे ही देखील मोठी समस्या आहे. केसांच्या या सर्व समस्यांपासून मुक्त होण्यासाठी कांद्याचा रस अत्यंत प्रभावी मानला जातो. बटाट्याच्या रसाबद्दल थोडे बोलले गेले असले तरी ते केसांना बळकट करते. चला तर मग जाणून घेऊयात

कांद्याचा रस केस दाट करतात

जास्त केस गळणे हा आपल्यासाठी चिंतेचा विषय बनतो. कांद्याच्या रसाचा नियमित वापर केल्याने केस मजबूत होतात आणि ते जाड होतात. यामुळे केस गळणे कमी होते आणि टाळू स्वच्छ होते. केसातील कोंडा दूर करण्यासाठी मेथी आणि कांद्याचा रस देखील प्रभावी आहे.

मेथी आणि कांद्याचा रस यांचे मिश्रण कसे बनवायचे

यासाठी तुम्ही एक कप कांद्याचा रस घ्या आणि तीन चमचे मेथीचे दाणे घ्या. मेथीचे दाणे रात्रभर भिजवून दुसऱ्या दिवशी सकाळी बारीक करा. बारीक केलेली मेथी एक कप कांद्याच्या रसात मिसळून केसांवर लावा. ३० मिनिटांनंतर केस शाम्पूने धुवा. आठवड्यातून एकदा हे नियमित करा.

कांदा आणि बटाट्याचा रस

केस मजबूत करण्यासाठी कांदा आणि बटाट्याचा रस खूप फायदेशीर असल्याचे सिद्ध होते. यासाठी बटाटा आणि कांद्याचा रस प्रत्येकी एक कप घ्या, चांगले मिसळा आणि केसांमध्ये लावा. बटाटा आणि कांद्याचा रस केसांच्या वाढीसाठी आणि त्यांना मजबूत करण्यास मदत करतात असे मानले जातात. यामुळे टाळूही निरोगी राहते आणि त्यात खाज येत नाही.

कांदा आणि खोबरेल तेल

कांद्याचा रस खोबरेल तेलात मिसळून लावल्याने केस मजबूत होतात. थोडे खोबरेल तेल गरम करून त्यात कांद्याचा रस मिसळून केसांना लावा. यामुळे केस मजबूत होतात आणि त्यात चमक येते.

(टीप: वरील टिप्सचा वापर करताना क्षेत्रातील तज्ञांचा सल्ला घ्या.)

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Potato and onion juice is beneficial for hair strengthening learn how to use it scsm

ताज्या बातम्या