Relationship Tips: जोडीदाराच्या या चार गोष्टींकडे दुर्लक्ष करू नका, नात्यात अंतर येऊ शकतं…

हल्ली जवळजवळ प्रत्येकाला रिलेशनशीपमध्ये रहायचं असतं. तुमच्या जोडीदाराची वागणूक काळानुसार बदलू शकते. तुम्ही त्यांच्या वागण्याकडे दुर्लक्ष करू नका, तर त्यांच्या कृतीतून जाणून घ्यायचा प्रयत्न करा की हा बदल किंवा वृत्ती कशामुळे आहे? कसं ते जाणून घ्या…

relationship-tips
( Photo : Pexeles )

हल्ली जवळजवळ प्रत्येकाला रिलेशनशीपमध्ये रहायचं असतं. प्रेमामुळे कोणत्याही नात्यात आनंद वाढतो. प्रत्येकामध्ये प्रेमाची इच्छा असते. अशा परिस्थितीत, जर तुम्हाला तुमच्या जोडीदाराकडून समान प्रेम हवे असेल तर तुम्हाला अनेक गोष्टींकडे विशेष लक्ष द्यावे लागेल. पूर्वी लोक फक्त ओळखीच्या लोकांशीच नातं ठेवायचे. पण हल्ली तर सोशल मीडियाच्या माध्यमातून अनेकजण इतर सोशल मिटींगमध्ये एकमेकांच्या संपर्कात येतात आणि नंतर एकमेकांबद्दल वाढलेल्या आकर्षणामुळे ते प्रेमात किंवा कोणत्याही नात्यात बांधले जातात. जर तुम्ही नवीन रिलेशनशिपमध्ये आला असाल तर तुम्हाला तुमच्या पार्टनरबद्दल माहिती असायला हवी. तुमच्या जोडीदाराची वागणूक काळानुसार बदलू शकते. तुम्ही त्यांच्या वागण्याकडे दुर्लक्ष करू नका, तर त्यांच्या कृतीतून जाणून घ्यायचा प्रयत्न करा की हा बदल किंवा वृत्ती कशामुळे आहे? तुमच्या जोडीदाराला तुमच्याकडून काय हवे आहे किंवा काय नकोय ? तुमचा जोडीदार या नात्याबद्दल किती प्रामाणिक आहे किंवा त्याच्या बदलत्या वागण्यामागे काय कारण आहे, हे जाणून घ्यायचे असेल तर या गोष्टींकडे लक्ष द्या.

जोडीदाराची बोलण्याची पद्धत
तुमचा पार्टनर तुमच्याशी कसा बोलतो याकडे लक्ष द्या. असं होतं की नात्याच्या सुरुवातीला त्याचं वागणे किंवा तुमच्याशी बोलण्याची पद्धत खूप प्रेमळ किंवा गोड असते, परंतु जर तो तुमच्याशी उद्धटपणे बोलू लागला किंवा कमी बोलू लागला तर ते गंभीर असू शकतं. कदाचित तुमच्या जोडीदाराने तुमच्याबद्दल आदर गमावण्यास सुरुवात केली आहे. तो एखाद्या गोष्टीबद्दल तुमच्यावर असमाधानी आहे किंवा त्याला नात्याचा कंटाळा येऊ लागला आहे. याशिवाय, तुम्ही तुमच्या जोडीदाराच्या बोलण्याच्या पद्धतीवरून त्याचे खोटे किंवा फसवणूक करताना देखील पकडू शकता. जर तुम्हाला त्यांच्या बोलण्यात काही संकोच वाटत असेल तर समजून घ्या की ते तुमच्यापासून काहीतरी लपवत आहेत.

खूप गोड असणे
प्रेमात असणे, एकमेकांची काळजी घेणे हे नातेसंबंधात सामान्य आहे. पण जर तुमच्या पार्टनरला अचानक जास्त गोड वाटू लागलं. जर तो स्वतःबद्दल किंवा या नात्याबद्दल अतिशयोक्तीने बोलत असेल तर त्याचा हेतू तुमच्यापासून काहीतरी लपवण्याचा किंवा तुमच्यासोबत वेळ घालवण्याचा असू शकतो. तुम्हाला त्याच्या प्रेमावर शंका असणे आवश्यक नाही. पण अचानक त्याच्यावर जास्त प्रेम दाखवणे हे ब्रेकअपचे लक्षण असू शकते. अशा परिस्थितीत तुम्ही त्यांचा मूड तपासा आणि नंतर त्यांना जुन्या गोष्टी सांगा. असे होऊ शकते की ते तुम्हाला अशा गोष्टींमध्ये काहीतरी सांगतील जे त्यांच्या हृदयातील वास्तव सांगतील.

जोडीदाराचे बहाणे
जोडीदाराच्या वागण्याकडे लक्ष द्या. त्यांनी या प्रकरणावर सबब सांगितली तरी डाळीत काही तरी काळंबेरं असू शकतं. उशीरा आल्यावर तो कसा रिअॅक्ट करतो, महत्त्वाच्या गोष्टी विसरतो, यावरून तो या नात्यासाठी किती गंभीर आहे, हे कळू शकेल.

जोडीदार गोष्टी लपवू लागला तर…
जेव्हा तुम्ही रिलेशनशिपमध्ये येता तेव्हा तुम्ही तुमच्या बहुतेक गोष्टी एकमेकांसोबत शेअर करता. नात्यात गोपनीयता असली पाहिजे, परंतु जर तुमचा जोडीदार तुमच्यापासून बहुतेक गोष्टी लपवत असेल किंवा तुम्ही काही विचारल्यावर बहुतेक प्रसंगी गोष्टी बदलण्याचा प्रयत्न करत असेल, तर कदाचित तो तुम्हाला त्याच्या आनंदाचा जोडीदार बनवण्याबाबत गंभीर नसेल.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Relationship tips four things you should not avoid about your partner in relationship tips prp