उद्यापासून बदलणार ‘हे’ ५ नियम, थेट तुमच्या खिशावर होणार परिणाम, जाणून घ्या काय होणार बदल?

१ डिसेंबरपासून म्हणजे उद्यापासून अनेक नियम बदलणार आहेत.

lifestyle
उद्यापासून बदलणार 'हे' ५ नियम( photo: financial express)

१ डिसेंबरपासून म्हणजे उद्यापासून अनेक नियम बदलणार आहेत. या बदलांमध्ये एलपीजी सिलिंडरची किंमत, होम लोन ऑफर, एसबीआय क्रेडिट कार्ड ऑफर, आधार-यूएएन लिंकिंग इत्यादींचा समावेश आहे. आम्ही तुम्हाला सांगतो की प्रत्येक नवीन महिन्याच्या पहिल्या तारखेला किंवा जुन्या नियमांमध्ये काही बदलांसह काही नवीन नियम लागू होतात.

UAN-आधार लिंकिंग

जर तुम्ही नोकरी करत असाल आणि तुमच्याकडे युनिव्हर्सल अकाउंट नंबर (UAN), तर ३० नोव्हेंबरपर्यंत आधार क्रमांकाशी लिंक करा. १ डिसेंबर २०२१ पासून, कंपन्यांना फक्त अशाच कर्मचाऱ्यांचे ECR दाखल करण्यास सांगितले आहे ज्यांचे UAN आणि आधार लिंकिंग सत्यापित झाले आहे. जे कर्मचारी उद्यापर्यंत ही लिंक दाखल करू शकणार नाहीत ते ECR देखील दाखल करू शकणार नाहीत.

गृह कर्ज ऑफर

सणासुदीच्या काळात बहुतेक बँकांनी गृहकर्जाच्या विविध ऑफर दिल्या होत्या, ज्यात प्रक्रिया शुल्क माफी आणि कमी व्याजदर यांचा समावेश होता. बहुतांश बँकांच्या ऑफर ३१ डिसेंबर रोजी संपत आहेत. परंतु यात LIC हाउसिंग फायनान्स ऑफर ही ३० नोव्हेंबरपर्यंत म्हणजे आज संपत आहे.

SBI क्रेडिट कार्ड

तुम्ही SBI क्रेडिट कार्ड वापरत असाल तर 1 डिसेंबरपासून SBI च्या क्रेडिट कार्डने EMI वर खरेदी करणे महाग होईल. SBI कार्ड वापरल्यावर फक्त व्याज भरावे लागणार होते पण १ डिसेंबरपासून प्रोसेसिंग फी देखील भरावी लागणार आहे.

गॅस सिलेंडरची किंमत

प्रत्येक महिन्याच्या पहिल्या तारखेला गॅस सिलिंडरच्या किमती निश्चित केल्या जातात. व्यावसायिक आणि घरगुती सिलिंडरचे नवीन दर महिन्याच्या पहिल्या दिवशी जारी केले जातात. नवीन दर १ डिसेंबरला सकाळी जाहीर केले जातील.

जीवन प्रमाणपत्र

तुम्ही देखील पेन्शनधारकांच्या श्रेणीत येत असाल तर तुमच्याकडे २ दिवस शिल्लक आहेत. पेन्शनधारकांनी आज किंवा उद्या या दोन दिवसांत त्यांचे जीवन प्रमाणपत्र सादर करावे, अन्यथा १ डिसेंबरपासून तुम्हाला पेन्शन मिळणे बंद होईल.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: These 5 rules that will change from tomorrow will have a direct effect on your pocket know what changes will happen scsm