आजकाल चुकीच्या जीवनशैली अन् आरोग्यासाठी घातक आहार लोकांच्या जीवनाचा भाग झाला आहे. पण अेक लोक निरोगी आणि तंदुरुस्त राहण्यासाठी कित्येक गोष्टींचा अवलंब करतात ज्यामुळे लोक बाहेरून तंदुरुस्त दिसत असते तरी शरीराच्या आता साचलेले व्हिसेरल फॅट त्यांच्या आरोग्यासाठी धोका ठरत आहे. “व्हिसेरल फॅट” म्हणजे अंतर्गत शरीरातील चरबी जी आपले पचनसंस्था आणि अवयवाभोवती जमा होते, विशेषतः पोटाच्या आतल्या भागात जसे की यकृत, पचनतंत्र, हृदयाजवळ असते. हे घातक रसायने शरीरात सोडून हृदयाचा आजार, मधूमेह आणि उच्च रक्तदाबचा धोका वाढते.
उजाला सिग्नस ग्रुप ऑफ हॉस्पिटल्सच्या कार्डियाक सायन्सेसचे अध्यक्ष, हृदयरोगतज्ज्ञ डॉ. सुंदर दीप मिश्रा यांच्या मते, व्हिसेरल फॅट कमी करण्यासाठी कोणताही चमत्कारिक अन्न नाही, परंतु योग्य आहार, जीवनशैली आणि नियमित व्यायामाने ते नियंत्रित केले जाऊ शकते. डॉ. मिश्रा यांनी असे ३ अन्न गट सांगितले आहेत, जे व्हिसेरल फॅट कमी करण्यासाठी आणि हृदयाचे आरोग्य सुधारण्यासाठी आहारात समाविष्ट केले जाऊ शकतात.
काय आहे व्हिसेरल फॅट (What is Visceral Fat? )
सामान्य चरबी म्हणजेच त्वचेखाली साठवलेल्या त्वचेखालील चरबी ज्याला सबक्यूटेनियस फॅट असे म्हणतात. या उलट व्हिसेरल फॅट शरीरातील अवयवांभोवती साठवले जाते. ते अधिक सक्रिय राहते आणि शरीरात दाह किंवा सूज वाढवते, ज्यामुळे अनेक गंभीर आजार होऊ शकतात. अशा प्रकारे, लोक त्यांच्या आहाराकडे आणि दैनंदिन निवडीकडे लक्ष देतात, जेणेकरून हृदय सुरक्षित राहते.
फॅटी फिश हे ओमेगा-३ ने समृद्ध आहार (Fatty fish is a powerhouse of omega-3
फॅटी फिश हे ओमेगा-३ ने समृद्ध आहार आहे. सॅल्मन, मॅकरेल आणि सार्डिन (salmon, mackerel and sardines) सारख्या माशांमध्ये ओमेगा-३ फॅटी अॅसिड असतात, जे हृदयासाठी खूप फायदेशीर असतात. ओमेगा-३ शरीरातील दाह किंवा सूज कमी करते आणि हृदयरोग रोखते. यामुळे शरीरातील चांगले कोलेस्ट्रॉल वाढते आणि वाईट कोलेस्ट्रॉल कमी होते. आहारात फॅटी फिश खाल्याने कॅलरीज कमी न होता कंबरेभोवतीची चरबी १-२ सेमी कमी करता येते.
हिरव्या पालेभाज्या (Green leafy vegetables)
हिरव्या पालेभाज्या खाल्यास आतडे आणि हृदय दोन्हीसाठी चांगले आहे. पालक, केल(Kale – पालेभाजीचा एक प्रकार) आणि ब्रोकोली सारख्या हिरव्या भाज्यांमध्ये फायबर, जीवनसत्त्वे आणि अँटिऑक्सिडंट्स भरपूर असतात. त्यामध्ये कॅलरीज कमी असतात आणि फायबर भरपूर असते, जे वजन नियंत्रणात ठेवण्यास मदत करते. या भाज्यांमध्ये असलेले फायबर चांगल्या बॅक्टेरियांना पोषण देते, जे पचन सुधारते आणि दाह कमी करते. हिरव्या भाज्या रक्तवाहिन्यांचे आरोग्य राखतात आणि हृदयाचे रक्षण करतात.
संपूर्ण धान्य (Whole grains)
संपूर्ण धान्य हे पोटावरील चरबी कमी करण्याचा एक सोपा मार्ग आहे. ओट्स, क्विनोआ आणि ब्राईन राईस यांसारखे संपूर्ण धान्य आहारातील फायबरमध्ये समृद्ध असतात. ते रक्तातील साखरेची वाढ रोखते आणि पोटावरील फॅट्स कमी करण्यास मदत करते. यामुळे हळूहळू व्हिसेरल फॅट कमी होते. यामुळे हृदयरोगाचा धोका कमी होतो.
