Weight loss tips in marathi : “जेवणाच्या आधी गोड पदार्थ नको” हे ऐकत आपण सर्व जण मोठे झालो आहोत हे कबूल करण्यात काहीच लाज नाही. दुपारच्या जेवणापूर्वी लाडूंपासून ते पोटभर जेवण्यापूर्वी केकच्या तुकड्यांपर्यंत गोड पदार्थ खाणे हे वडीलधाऱ्यांनी अनेकदा टाळले आहे. आजच्या ट्रेंडिंग डाएट आणि सतत काहीतरी गोड खाणारे आपण विशेषतः सणांच्या वेळी, रस मलाई किंवा गुलाब जामुन टाळणे सोपे काम नाही. पण, जेवणापूर्वी गोड पदार्थ खाणे हानिकारक आहे का? आयुर्वेद आणि पोषण क्षेत्रातील तज्ज्ञांनी या संदर्भात माहिती दिली आहे.
जेवणापूर्वी गोड खावे का? हो, आयुर्वेदिक तत्त्वांनुसार आपल्याला नेहमी सांगितलेल्या गोष्टींच्या उलट, मुख्य जेवणापूर्वी गोड खाल्ल्याने तुमच्या पचनाला फायदा होऊ शकतो. आयुर्वेदानुसार, तुम्ही ज्या क्रमाने सहा रस किंवा चवींचे सेवन करता, ते तुमच्या दोषांचे संतुलन राखण्यात आणि पचनास मदत करण्यात महत्त्वाची भूमिका बजावतात. असे म्हटले जाते की, गोड पदार्थ आदर्शपणे मुख्य पदार्थापूर्वी खावेत नंतर नाही.
योगतज्ज्ञ मनीषा यादव स्पष्ट करतात की, मधुर रस किंवा गोड चव पौष्टिक आहे. खारट, मसालेदार किंवा आंबट पदार्थ पचनक्रिया खूप लवकर उत्तेजित करू शकतात, ज्यामुळे असंतुलन होऊ शकते. गोड चव विशेषतः वात आणि पित्त दोषांसाठी शांत करणारी असते, जी मसालेदार किंवा जास्त गरम पदार्थांमुळे वाढू शकते.
गोड पदार्थ पहिल्यांदा खाल्ल्याने अति खाणे टाळता येते का?
नक्कीच. आयुर्वेदानुसार, जेवणाच्या सुरुवातीला गोड पदार्थ खाल्ल्याने वात आणि पित्त दोष शांत होण्यास मदत होते आणि नंतर अति खाणे टाळता येते. याव्यतिरिक्त, गोड चव लवकर तृप्ततेची भावना निर्माण करते. मनीषा यादव यांनी म्हटल्याप्रमाणे, हे तुम्हाला लवकर पोट भरल्यासारखे वाटण्यास मदत करू शकते आणि जास्त खाण्याची प्रवृत्ती कमी करू शकते, ज्यामुळे तुमचे वजन नियंत्रित करणे सोपे होते. जेवणानंतर गोड पदार्थ खाल्ल्याने काय होते? गोड पदार्थ जड असतात. जेवणाच्या शेवटी खाल्ले तर ते पचण्यास कठीण होऊ शकतात; यामुळे पोटफुगी, गॅस विषारी पदार्थ तयार होणे यांसारख्या समस्या उद्भवू शकतात. तज्ज्ञांच्या मते, गोड पदार्थांचे उशिरा पचन पोषक तत्त्वांचे शोषण आणि आतड्यांचे आरोग्य बिघडवू शकते.
जेवणानंतर साखरेची लालसा कशी कमी करावी
जरी तुम्हाला गोड खाण्यामागील तर्क समजला असला तरी जेवणानंतर साखरेची लालसा व्यवस्थापित करणे कठीण होऊ शकते. तुमच्या सवयी आणि जीवनशैली हळूहळू बदलण्यासाठी या टीप्स फॉलो करू शकता:
१. निरोगी पर्याय निवडा – ताजी फळे, दही, मध, तीळ चिक्की किंवा डार्क चॉकलेटचा एक छोटा तुकडा यांसारखे पर्याय. पोषणतज्ज्ञ नेहा रंगलानी हे प्रभावी बदल म्हणून शिफारस करतात.
२. संतुलित जेवणावर लक्ष केंद्रित करा – तुमच्या जेवणात प्रथिने, निरोगी चरबी आणि कार्बोहायड्रेट्सचे चांगले मिश्रण आहे याची खात्री करा. संतुलित आहार रक्तातील साखरेची पातळी स्थिर करण्यास मदत करते, नंतरची लालसा कमी करते.
३. हायड्रेटेड राहा – कधीकधी साखरेची लालसा म्हणजे प्रत्यक्षात तहान असते. दिवसभर भरपूर पाणी प्या, जेणेकरून भूक लागण्याची शक्यता कमी होईल.
४. स्वतःचे लक्ष विचलित करा – जर तुम्हाला गोड पदार्थ खाण्याची तीव्र इच्छा असेल तर तुमचे लक्ष दुसरीकडे वळवा. नेहा रंगलानी फिरायला जाणे, संगीत ऐकणे किंवा सर्जनशील छंदात गुंतणे यांसारख्या क्रियाकलापांचा सल्ला देतात, जे तुमचे मन अन्नापासून दूर करते.
५. मिठाचे सेवन वाढवा – पोषणतज्ज्ञ पूजा मखीजा यांच्या मते, साखरेची तीव्र इच्छा कधीकधी आहारात मिठाची कमतरता दर्शवू शकते. जेव्हा मिठाचे प्रमाण कमी होते तेव्हा मेंदूचे रिवॉर्ड सेंटर सक्रिय होतात, ज्यामुळे साखरयुक्त पदार्थांची तीव्र इच्छा निर्माण होते. नैसर्गिक क्षारांचे पुरेसे सेवन सुनिश्चित केल्याने हे चक्र कमी होण्यास मदत होऊ शकते.
अधिक माहितीसाठी नेहमीच तज्ज्ञांचा किंवा तुमच्या डॉक्टरांचा सल्ला घ्या.
