तुम्हालाही नाश्ता केल्यानंतर पोट जड, गच्च वाटतं का? मग तुम्हीही नक्कीच करत असणार ‘या’ चुका

तुम्ही यापैकी नक्की कोणती चूक करता?

तुम्ही यापैकी नक्की कोणती चूक करता?

• नाश्ता वगळणे आणि नंतर खूप जास्त खाणे.
• दिवसाची सुरुवात साखरयुक्त धान्ये किंवा पेस्ट्रींनी करणे.
• लॅक्टोज असहिष्णुता असूनही दुधाचे सेवन करणे.
• रिकाम्या पोटी कॉफी पिणे.
• योग्य रीत्या न चावता खूप वेगाने खाणे.
• अन्नपदार्थ किंवा पेयांमध्ये कृत्रिम गोड पदार्थांचा वापर करणे.
• अल्ट्रा-प्रोसेस्ड प्रोटीन बार किंवा शेकवर (जसे की फ्लेवर्स, प्रिझर्व्हेटिव्ह्ज, साखरेचे प्रकार, रासायनिक पदार्थ) अवलंबून राहणे.
• सकाळी सर्वांत आधी कार्बोनेटेड पेये घेणे.
• नाश्त्यात पुरेसे फायबरयुक्त पदार्थ समाविष्ट न करणे.
• जास्त चरबीयुक्त तळलेला नाश्ता करणे.

आतडे – तुमच्या शरीराचा दुसरा मेंदू

आतडे हा प्रत्येक गोष्टीचा पाया आहे. आतडे अन्नाचे पचन करते, पोषक तत्त्वे शोषून घेते आणि तुमच्या शरीराला शक्ती व आधार देण्यासाठी त्यांचा वापर करते. ज्यांना माहीत नाही त्यांच्यासाठी सांगायचं तर, ‘आतडे’ म्हणजे त्यात आपल्या पोटातील संपूर्ण पचनसंस्था, ज्यामध्ये पोट, लहान आतडे व मोठे आतडे यांचा समावेश असतो.

आपल्या पचनसंस्थेत खूप सूक्ष्म जीव असतात; जसे की जीवाणू, बुरशी, विषाणू व इतर सूक्ष्मजंतू. या सूक्ष्मजंतूंच्या समूहाला ‘आतड्यातील मायक्रोबायोम’, असे म्हणतात. आतड्यातील मायक्रोबायोम इतका महत्त्वाचा असतो की, त्याला ‘दुसरा मेंदू’ असेही म्हणतात. कारण- त्यामुळे हार्मोन्स, रोगप्रतिकार शक्ती, चयापचय आणि अगदी मूडदेखील नियंत्रित होतो. त्यामुळे व्हर्सिटी स्किन अँड वेलनेस क्लिनिकमधील मुख्य पोषण व वेलनेस सल्लागार, पीएचडी, डॉक्टर मेधा कपूर यांच्या मते, तुमचे आतडे जितके सुस्थितीत असते, तितकेच तुमचे आरोग्यही चांगले राहू शकते.