23 January 2021

News Flash

करोना रुग्णांची संख्या वाढल्याने सेवाग्राम आणि सावंगी येथील रुग्णालयं अधिग्रहित करण्याचा निर्णय

जिल्हा प्रशासनाने घेतला महत्त्वाचा निर्णय

लोकसत्ता प्रतिनिधी

वाढत्या रूग्णसंख्येच्या पार्श्वभूमीवर सेवाग्राम व सावंगी येथील रूग्णालय अधिग्रहित करण्याचा निर्णय जिल्हा प्रशासनाने घेतला असून यापुढे कोविड रूग्णांच्या उपचाराचे पैसे शासनाकडून या रूग्णालयांना प्रदान केले जातील.  सावंगी येथील आचार्य विनोबा भावे रूग्णालय व सेवाग्राम येथील कस्तुरबा रूग्णालय कोविड रूग्णालय म्हणून पूर्वीच घोषित झाले आहे. मात्र ही खासगी रूग्णालये असल्याने येथील उपचारांचा खर्च रूग्णांकडून घेतला जात होता. रूग्णांना शासकीय मदत या ठिकाणी शक्य होत नव्हती.

रूग्णांसाठी ज्योतीबा फुले जन आरोग्य योजना आहे. मात्र करोनाची सौम्य लक्षणे किंवा कोणतेही लक्षणे नसणाऱ्या रूग्णांना या योजनेचा लाभ मिळत नाही. अशा रूग्णांचा वैद्यकीय उपचारासाठी कमीतकमी खर्च व्हावा म्हणून सातशे रूपये प्रति दिवस खर्च ठरविण्यात आला होता. मात्र आता रूग्णालय अधिग्रहित करण्यात आल्याने शासकीय रूग्णालयाप्रमाणे सर्व खर्च शासनाकडून देण्यात येईल. रूग्णालयातील खासगी खोल्यांचे शुल्क रूग्णाला द्यावे लागेल, असे सावंगी रूग्णालयाचे प्रशासकीय अधिकारी डॉ. उदय मेघे यांनी नमूद केले.

रूग्णालयात जेवण, तपासणी, औषधी, उपचार आदी सुविधांसाठी आपत्ती व्यवस्थापन अंतर्गत निधी उपलब्ध करून दिला जाईल. ज्या बाधित रूग्णांना फुले योजनेअंतर्गत लाभ मिळू शकत नाही त्या रूग्णांसाठी शासकीय दरानुसार शासन खर्च देईल. जिल्हाधिकारी विवेक भीमनवार यांनी स्पष्ट केले की दोन्ही रूग्णालयांना उपचार, औषधी व तपासणीसाठी शुल्क आकारता येणार नाही. मात्र खासगी खोलीतील रूग्ण, वर्धा जिल्ह्याबाहेरील रूग्ण तसेच फुले योजनेतील पात्र रूग्णांसाठी सदर निधी मिळणार नसल्याचे जिल्हाधिकाऱ्यांनी स्पष्ट केले. आगामी काळात जिल्ह्यातील ऑक्सिजन सुविधायुक्त खाटांची संख्या वाढविण्यात येणार असल्याचेही त्यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 8, 2020 7:06 pm

Web Title: decision to acquire hospitals at sevagram and sawangi due to increase in the number of corona patients scj 81
टॅग Coronavirus
Next Stories
1 महाराष्ट्रासाठी ‘माझे कुटुंब माझी जबाबदारी’ योजनेची मुख्यमंत्र्यांनी केली घोषणा
2 “शॉर्टकट मारावे लागले की रात्री कामे करावी लागतात,” उद्धव ठाकरेंचा फडणवीसांना टोला
3 नागपूर व पुण्यातील करोना स्थिती स्फोटक!
Just Now!
X