News Flash

कोपर्डी बलात्कार प्रकरणातील जितेंद्र शिंदेला १४ दिवसांची न्यायालयीन कोठडी

आतापर्यंत या प्रकरणात तीन जणांना अटक करण्यात आली आहे.

नगर जिल्ह्यातील कोपर्डी बलात्कार प्रकरणातील मुख्य आरोपी जितेंद्र शिंदेला १४ दिवसांची न्यायालयीन कोठडी सुनावण्यात आली आहे. नगर जिल्ह्यातील कर्जत तालुक्यातील कोपर्डीतील अल्पवयीन मुलीवर अत्याचार करून तिची निर्घृण हत्या केल्याच्या गुन्ह्यात अटक करण्यात आलेल्या संतोष गोरख भवाळ (३०, कोपर्डी) आणि नितीन गोपीनाथ भैलुमे (२६, कोपर्डी) या आरोपींना यापूर्वी ३० जुलैपर्यंत न्यायालयाने पोलीस कोठडी सुनावली आहे. संतोष भवाळ याला १६ तर नितीन भैलुमे याला १७ जुलैला अटक करण्यात आली होती. या गुन्ह्य़ाचा तपास स्थानिक गुन्हे अन्वेषण शाखेकडे सोपवण्यात आला असून, आतापर्यंत या प्रकरणात तीन जणांना अटक करण्यात आली आहे. मुख्यमंत्री देवेंद्र फडणवीस यांनी रविवारी कोपर्डीला भेट देऊन पीडित कुटुंबीयांची भेट घेतली होती. या प्रकरणातील नराधमांना फाशी होईपर्यंत सरकार त्याचा पाठपुरावा करेल, असे आश्वासन फडणवीस यांनी पीडित कुटुंबीयांना दिले होते. या खटल्यामध्ये सरकारी बाजू मांडण्यासाठी ज्येष्ठ सरकारी वकील उज्ज्वल निकम यांची नियुक्ती करण्यात आली असून, हा खटलाही जलदगती न्यायालयात चालविण्यात येणार आहे. महिन्याभरात या प्रकरणी आरोपींविरुद्ध आरोपपत्र दाखल करण्यात येईल, असे पोलिसांनी स्पष्ट केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 28, 2016 3:31 pm

Web Title: kopardi case accused custody
Next Stories
1 रत्नागिरीतील केमिकल कारखान्यात स्फोट, परिसरात धुराचे लोट
2 औरंगाबादमधील शस्त्रसाठाप्रकरणी अबु जुंदालसह ११ दोषी
3 कोल्हापूरमध्ये हद्दवाढीच्या समर्थनार्थ कडकडीत बंद, रिक्षांची तोडफोड