24 September 2020

News Flash

महाराष्ट्रात नवे २९४० करोना रुग्ण, ६३ मृत्यू, संख्येने ओलांडला ४४ हजारांचा टप्पा

२४ तासांमध्ये ८५७ रुग्णांना डिस्चार्ज

संग्रहित

महाराष्ट्रात २९४० नवे करोना रुग्ण आढळले आहेत. तर मागील २४ तासांमध्ये ६३ जणांचा मृत्यू झाला आहे. त्यामुळे महाराष्ट्रातील करोना रुग्णांची संख्या आता ४४ हजार ५८२ झाली आहे. आत्तापर्यंत करोनाची बाधा होऊन महाराष्ट्रात १५१७ झाली आहे.गेल्या २४ तासांमध्ये ८५७ करोना रुग्णांना डिस्चार्ज देण्यात आला आहे. आत्तापर्यंत राज्यात १२ हजार ५८३ रुग्णांना डिस्चार्ज देण्यात आला आहे. आरोग्यमंत्री राजेश टोपे यांनी ट्विट करुन ही माहिती दिली आहे.

महाराष्ट्रात गेल्या २४ तासांमध्ये ६३ मृत्यू करोनामुळे झाले आहेत. त्यापैकी २७ मृत्यू मुंबईत, पुण्यात ९, जळगावमध्ये ८, सोलापुरात ५, वसई विरारमध्ये ३, औरंगाबादमध्ये ३, साताऱ्यात २, मालेगावात १, ठाण्यात १, कल्याण डोंबिवलीत १, उल्हासनगरमध्ये १, पनवेलमध्ये १, नागपूर शहरात १ मृत्यू झाला आहे.

आज झालेल्या ६३ मृत्यूंपैकी ३७ पुरुष तर २६ महिला आहेत. आज झालेल्या ६३ मृत्यूंपैकी ६० वर्षे किंवा त्यावरच्या वयाचे २८ रुग्णा होते. तर ३१ रुग्ण हे ४० ते ५९ वर्षे या वयोगटातले होते. ४ जणांचे वय ४० वर्षांखालील होते. ६३ मृत्यूंपैकी ४६ जणांना मध्ये मधुमेह, उच्च रक्तदाब, हृदय रोग हे गंभीर आजार होते.

आजपर्यंत पाठवण्यात आलेल्या ३ लाख ३२ हजार ७७७ रुग्णांपैकी २ लाख ८८ हजार १९५ जणांचे नमुने करोनासाठी निगेटिव्ह आले आहेत. तर ४४ हजार ५८२ नमुने पॉझिटिव्ह आले आहेत. सध्या राज्यात ४ लाख ६९ हजार २७५ जण होम क्वारंटाइन आहेत. तर २८ हजार ४३० लोक संस्थात्मक क्वारंटाइन आहेत अशी माहिती आरोग्य विभागाने दिली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 22, 2020 8:13 pm

Web Title: maharashtra 2940 new corona cases in last 24 hours total cases 44582 in state till today scj 81
टॅग Coronavirus
Next Stories
1 …मग पंतप्रधान तरी कुठं पीपीई किट घालून फिरतायत; हसन मुश्रिफांचा भाजपावर पलटवार
2 …तर महाराष्ट्रानं भाजपाची पाठ थोपटली असती; भाजपाच्या आंदोलनावर संजय राऊत संतापले
3 वर्धा : कामावर गैरहजर राहणाऱ्या जिल्हा परिषदेच्या २२ अधिकारी, कर्मचाऱ्यांवर कारवाई
Just Now!
X