मुंबईची तुलना पाकव्याप्त काश्मीरशी केल्यानंतर बॉलिवूड अभिनेत्री कंगना रणौत आणि महाविकास आघाडी सरकारमध्ये चांगलीच जुंपली आहे. विशेषकरुन शिवसेनेच्या नेत्यांनी सकाळपासून कंगनावर टीकेची झोड उठवली आहे. शिवसेनेचे आमदार प्रताप सरनाईक यांनीही कंगनावर टीका करताना ट्विटरवरुन थेट इशारा दिला आहे. संजय राऊत यांनी कंगनाला सौम्य शब्दांत समज दिली. ती इथे असती तर आमच्या रणरागिणी तिचे थोडाब फोडल्याशिवाय राहणार नाहीत. मुंबईची पाकव्याप्त काश्मीरशी तुलना करणाऱ्या कंगनावर देशद्रोहाचा गुन्हा दाखल करण्याची मागणी करणार असल्याचं प्रताप सरनाईक यांनी म्हटलं होतं. कंगनाला खासदार @rautsanjay61 नी सौम्य शब्दांत समज दिली.ती इथे आली तर आमच्या रणरागिणी तिचे थोबाड फोडल्याशिवाय राहणार नाहीत. उद्योजक व सेलेब्रिटी घडवणाऱ्या मुंबईची तुलना पाकव्याप्त काश्मीरशी करणाऱ्या कंगनावर देशद्रोही म्हणून गुन्हा दाखल करण्याची मी गृहमंत्र्यांना मागणी करणार आहे.— Pratap Sarnaik (@PratapSarnaik) September 4, 2020 दरम्यान याप्रकरणी राष्ट्रीय महिला आयोगाच्या अध्यक्षा रेखा शर्मा यांनी उडी घेत शिवसेना आमदार प्रताप सरनाईक यांना तात्काळ अटक करण्याची मागणी केली आहे. यासाठी रेखा शर्मा यांनी Whats App चा स्क्रिनशॉटही शेअर केला आहे. According to @ANI @ShivSena MLA Pratap Sarnaik threaten @KanganaTeam in an interview. He must immediately get arrested @CPMumbaiPolice. Taking suo motu. pic.twitter.com/S0lUN2zobX— Rekha Sharma (@sharmarekha) September 4, 2020 कंगना के किसी भी ट्वीट में ऐसा नहीं लगा कि वो देशद्रोही हैं या किसी व्यक्ति को उन्होंने धमकी दी है। इससे शिवसेना के नेताओं की विचारधारा सामने आती है कि अगर महिलाएं आजादी से बात कर रही हैं, तो वो उन्हें सह नहीं सकते : रेखा शर्मा, राष्ट्रीय महिला आयोग अध्यक्ष pic.twitter.com/olDbD7aPmV— ANI_HindiNews (@AHindinews) September 4, 2020 कंगनाने केलेलं ट्विट पाहता तिने कोणतंही देशद्रोही वक्तव्य केलेलं नाही, किंवा तिने कोणाला धमकीही दिलेली नाही. याप्रकरणातून शिवसेना नेत्यांची विचारधारा समोर येते आहे. महिला जर आपले विचार मांडत असतील तर ते शिवसेना नेत्यांना सहन होत नाही असं म्हणत रेखा शर्मा यांनी कंगनाची पाठराखण केली आहे. त्यामुळे येत्या काही दिवसांमध्ये या प्रकरणी नेमक्या काय घडामोडी घडतायत हे पाहणं महत्वाचं ठरणार आहे.