खासदार नवनीत राणा वेगवेगळ्या कारणांनी कायमच चर्चेत असतात. आताही त्या चर्चेत आल्या आहेत पण त्याचं कारण आहे रुपाली चाकणकरांचं एक ट्विट. या ट्विटमध्ये खासदार नवनीत राणा यांचा एक व्हिडिओ आहे ज्यात त्या चुलीवर स्वयंपाक करत आहेत. आणि याचं कारण रुपाली चाकणकरांच्या मते देशाचे पंतप्रधान नरेंद्र मोदी आहेत. जाणून घ्या काय आहे त्यांचं हे ट्विट.. अमरावतीच्या खासदार नवनीत राणा या व्हिडीओमध्ये चुलीवर स्वयंपाक करताना दिसत आहेत. यामध्ये त्या चपात्या लाटून चुलीवरील भाजत आहेत. हा व्हिडिओ रुपाली चाकणकर यांनी शेअर करत त्याला दिलेल्या कॅप्शनमधून पंतप्रधान नरेंद्र मोदींवर टीका केली आहे. गॅस महाग झाल्यामुळे खा. नवनीत राणा यांना गॅस ऐवजी चुलीवर स्वयंपाक करावा लागत आहे. मोदीजी तुमच्या राज्यात खासदार पण महागाईमुळे गॅस ऐवजी चूल वापरायला लागले आहेत. व्वा! मोदीजी व्वा!#गॅस_दरवाढ — Rupali Chakankar (@ChakankarSpeaks) August 2, 2021 रुपाली चाकणकर म्हणतात, गॅस महाग झाल्यामुळे खासदार नवनीत राणा यांना गॅसऐवजी चुलीवर स्वयंपाक करावा लागत आहे. मोदीजी तुमच्या राज्यात खासदार पण महागाईमुळे गॅसऐवजी चूल वापरायला लागले आहेत. व्वा! मोदीजी व्वा!. या व्हिडीओच्या माध्यमातून काही नेटकऱ्यांनी उज्ज्वला योजना अपयशी झाल्याचीही टीका केली आहे. महिलांच्या आरोग्याची निगा राखणे आणि त्यांच्या सक्षमीकरणाच्या उद्देशाने केंद्र सरकारने पंतप्रधान उज्ज्वला योजना जाहीर केली. या योजनेअंतर्गत देशभरात सहा कोटींहून अधिक मोफत घरगुती गॅसजोडणीचे उद्दिष्ट पूर्ण करण्यात आले. मात्र, या कुटुंबांना योजनेतील दुसरा सिलिंडर खरेदी करणे परवडत नसल्याने असंख्य कुटुंबांनी योजनेकडे पाठ फिरवल्याची धक्कादायक माहिती हाती आली आहे.