सोनू सूदच्या कार्याचं राजकीय वर्तुळात कौतुक; रोहित पवारांनी घेतली भेट - Marathi News | Sonu Sood Meets Karjat Jamkhed Mla Rohit Pawar Ssj 93

सामान्य जनतेपासून ते राजकीय नेत्यांपर्यंत अनेकांनी सोनूच्या कार्याची दखल घेतली आहे

गेल्या कित्येक दिवसांपासून अभिनेता सोनू सूद अहोरात्र मजुरांसाठी झटत आहे. प्रत्येक मजूर त्यांच्या गावी सुखरुप पोहोचावा यासाठी सोनू सूदचे प्रयत्न सुरु आहेत. त्यामुळे त्याच्या या कार्याचं सर्व स्तरांमधून कौतुक केलं जात आहे. यामध्येच राष्ट्रवादीचे युवा आमदार रोहित पवार यांनीही सोनू सूदचं कौतुक करत त्याची भेट घेतली आहे.

रोहित पवार यांनी ट्विटरवर एक पोस्ट शेअर करत सोनू सूदची भेट घेतल्याचं म्हटलं आहे. ‘घर जाना हैं’, हे स्थलांतरित मजुरांचे केवळ तीन शब्द ऐकून हजारो मजुरांना स्वगृही सुखरुप पोचवणाऱ्या @SonuSood यांची आज त्यांच्या घरी भेट घेतली, असं ट्विट रोहित पवार यांनी केलं आहे.

‘घर जाना हैं’, हे स्थलांतरित मजुरांचे केवळ तीन शब्द ऐकून हजारो मजुरांना स्वगृही सुखरुप पोचवणाऱ्या @SonuSood यांची आज त्यांच्या घरी भेट घेतली.
Met #SonuSood today, the man who has been answering the calls of thousands of #migrants who wanted to go home & helping them out. pic.twitter.com/xllGrI3RPN
— Rohit Pawar (@RRPSpeaks) June 4, 2020

दरम्यान, सोनू सूदने आतापर्यंत विविध मार्गाने गरजुंची मदत केली आहे. मजुरांना गावी पोहोचवण्यासाठी त्याने बसची सेवा सुरु केली होती. तसंच रमजानच्या महिन्यात त्याने अनेकांना जेवण उपलब्ध करुन दिलं होतं. विशेष म्हणजे इतक्यावरच न थांबता त्याने त्याचे हॉटेल्सदेखील डॉक्टर, पोलीस यांच्यासाठी खुले केले आहेत. त्यामुळे सामान्य जनतेपासून ते राजकीय नेत्यांपर्यंत अनेकांनी सोनूच्या कार्याची दखल घेतली आहे. त्यामुळे पडद्यावर क्रूर खलनायक साकारणारा सोनू सूद आता खऱ्या आयुष्यात नायक ठरला आहे.

First published on: 05-06-2020 at 09:32 IST

TOPICSकरोना विषाणू Coronavirus

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sonu sood meets karjat jamkhed mla rohit pawar ssj