“अजित पवारांना मुळीच मुख्यमंत्री केलं जाणार नाही”, काँग्रेसच्या माजी खासदाराचं मोठं विधान

अजित पवारांना मुख्यमंत्री केलं जाईल, असं मला मुळीच वाटत नाही, अशी प्रतिक्रिया दलवाई यांनी दिली. दरम्यान, त्यांनी राष्ट्रवादी काँग्रेसचे आमदार नवाब मलिक यांना मिळालेल्या जामिनावरही भाष्य केलं.

हेही वाचा- “…तर आम्ही कधीही सहन करणार नाही”, शरद पवार-अजित पवार भेटीवरून नाना पटोलेंचा सूचक इशारा

नवाब मलिक ईडी कोठडीतून बाहेर आले आहेत. ते कोणत्या पवारांकडे जातील? या प्रश्नावर हुसेन दलवाई म्हणाले की, ते मी सांगू शकत नाही. नवाब मलिक बाहेर आले, ही चांगली गोष्ट आहे. त्यांना इतके दिवस तुरुंगात का ठेवलं होतं? हेच मला कळत नाही आणि आता बाहेर येण्यासाठी नेमकी काय जादू झाली? हेही समजत नाही, अशी प्रतिक्रिया दलवाई यांनी दिली. ते ‘टीव्ही ९ मराठी’शी बोलत होते.

हेही वाचा- “…तर आम्ही भाजपाच्या चिन्हावर निवडणूक लढवू”, शिंदे गटाच्या नेत्याचं मोठं विधान

शिंदे गटाच्या १६ आमदारांच्या अपात्रतेचा निकाल काय लागेल? अजित पवार मुख्यमंत्री होतील का? यावर हुसेन दलवाई म्हणाले, “निकाल लागेल असं तुम्हाला वाटतं का? माझ्या मते निकाल लागणारच नाही. आणखी काही दिवस असेच ढकलले जातील. काहीही निकाल लागला तरी सरकारवर काहीही परिणाम होईल, असं मला वाटत नाही. ते निकाल अशाप्रकारे लावतील की, कुणाचंही सदस्यत्व रद्द होणार नाही. हे सरकार ढकलून-ढकलून चालवलं जाईल.”

हेही वाचा- अजित पवारांच्या भेटीवर शरद पवारांची पहिली प्रतिक्रिया; भाजपाबरोबर युती करण्याच्या चर्चेवरही केलं भाष्य, म्हणाले…

अजित पवारांना मुख्यमंत्री करण्याच्या चर्चेवर हुसेन दलवाई पुढे म्हणाले, “ते अजित पवारांना कसं काय मुख्यमंत्री करतील? अजित पवारांना ते मुख्यमंत्री करतील, असं मला मला मुळीच वाटत नाही.”