रत्नागिरीच्या पुरातत्त्व कार्यालयाला बीडीएस यंत्रणेचा तांत्रिक फटका, ६ कोटीचा निधी राज्य शासनाकडे गेला परत

दरवर्षाप्रमाणे यावर्षी देखील शासनाचे अर्थसंकल्पीय अनुदान वर्षांच्या अखेरच्या दिवशी विविध विभागांकडून अदा करण्यात आले. त्यात शासकीय योजना व अनुदानाचा तसेच कामांच्या देयकांचा समावेश असतो.

शासनाच्या प्रत्येक विभागाच्या बीडीएस प्रणालीद्वारे शासकीय अनुदान देण्याचे काम आर्थिक वर्षात केले जाते.याप्रमाणे पुरात्तत्त्व विभागाला देखील वस्तु संग्रहालयाच्या नवीन दालनासाठी सुमारे साडेचार कोटी रुपये आणि इतर कामांचे मिळून असे ६ कोटी रुपयांचा निधी राज्य शासनाकडून मिळणार होता. मात्र पुरातत्व विभागाची बीडीएस प्रणाली ११ वाजता बंद झाली अस्ताना ११ वाजून १० मिनिटांनी शासनाकडून निधी आला. बीडीएस यंत्रणा बंद झाल्यामुळे शासनाचा हा निधी संबंधित विभागाकडे न जाता राज्य शासनाकडे परत गेला. मात्र यामुळे बिडीएस प्रणालीचा तांत्रिक फटका पुरातत्त्व विभागाला बसल्याने निधी परत मिळविण्यासाठी या विभागाला धावाधाव करण्याची वेळ आली.