scorecardresearch

Premium

“मागासवर्गीय जागे व्हा!”, राज्य सरकारच्या ‘त्या’ निर्णयामुळे जितेंद्र आव्हाडांचं आवाहन; म्हणाले, “आरक्षण समाप्ती…”

राज्य सरकारने एक अध्यादेश काढून वेगवेगळ्या खात्यांमधील हजारो पदे भरण्यासाठी नऊ खाजगी कंपन्यांची निवड केली आहे. त्यामुळे सरकारी नोकरीचं स्वप्न पाहणाऱ्या उमेदवारांचं स्वप्न भंगलं आहे.

Jitendra Awhad On obc reservation
काय म्हणाले जितेंद्र आव्हाड? (फोटो – लोकसत्ता ग्राफिक्स टीम)

एकीकडे आरक्षणाचा मुद्दा तापलेला असतानाच राज्य सरकारने विविध खात्यातील हजारो पदे भरण्याकरता नऊ खाजगी कंपन्यांना कंत्राट दिले आहे. श्रेणी एक ते श्रेणी चारपर्यंतची पदे कंत्राटी पद्धतीने भरण्यात येणार आहेत. एमपीएससीचा अभ्यास करणाऱ्या विद्यार्थ्यांनी या खासगीकरणाला विरोध केला आहे. तसंच, राष्ट्रवादी काँग्रेसचे नेते जितेंद्र आव्हाड यांनीही ट्वीट करत याविरोधात आवाज उठवला आहे.

“राज्यात आरक्षण समाप्ती? राज्यात एका बाजूला आरक्षणासाठी लढाई सुरू असताना, दुसरीकडे राज्य शासनाने कंत्राटी पद्धतीने सरकारी नोकर भरती करण्यासाठी ९ खासगी कंपन्यांना कंत्राट दिले आहे. पण या हजारो पदांच्या जागांसाठी कोणतेही आरक्षण ठेवलेले नाही. याबद्दल कोणताच राजकीय पक्ष अद्याप भूमिका घेताना दिसत नाही. या नोकऱ्यांतही विहित आरक्षण दिलेच पाहिजे. नाहीतर हे आरक्षण समाप्तीचे पाऊल ठरेल! मागासवर्गीय जागे व्हा”, असं ट्वीट जितेंद्र आव्हाड यांनी केलं आहे.

Raju Shetty news
केंद्र सरकारची उसाच्या एफआरपीची वाढ तोकडी; राजू शेट्टी यांची टीका
bhagwant maan
पंजाबचे मुख्यमंत्री नव्या भूमिकेत; केंद्र आणि शेतकऱ्यांच्या चर्चेत मध्यस्थ म्हणून भगवंत मान यांची महत्त्वपूर्ण भूमिका
Eknath Shinde Abhishek Ghosalkar
अभिषेक घोसाळकरांच्या हत्येनंतर राज्य सरकार अ‍ॅक्शन मोडवर, कायदा-सुव्यवस्था राखण्यासाठी मोठा निर्णय
study group report recommended many benefits for maharashtra loom owners zws 70
राज्यातील यंत्रमागधारकांच्या प्रलंबित मागण्यांना अभ्यास समितीनकडून न्याय; अनेक चांगल्या शिफारशी 

राज्य सरकारने एक अध्यादेश काढून वेगवेगळ्या खात्यांमधील हजारो पदे भरण्यासाठी नऊ खाजगी कंपन्यांची निवड केली आहे. या खाजगी कंपन्या राज्य शासनाचे शासकीय विभाग, निमशासकीय विभाग, महामंडळे, स्थानिक स्वराज्य संस्था, सार्वजनिक क्षेत्रातील उपक्रम आणि इतर आस्थापनांना मनुष्यबळ पुरवणार आहेत. त्यामुळे सरकारी नोकरीचं स्वप्न पाहणाऱ्या उमेदवारांचं स्वप्न भंगलं आहे. अतिकुशल, कुशल, अर्धकुशल आणि अकुशल सवंर्गातील पदे खासगी कंपन्यांकडून भरण्यात येणार आहेत. महिना १५ हजार ते दीड लाखांपर्यंत पगार घेणाऱ्या कर्मचारी-अधिकाऱ्यांची नियुक्ती आता सरळ सेवा मार्गाने खासगी कंपन्यांकडून करण्यात येणार आहे.

हेही वाचा >> “एका शासकीय कर्मचार्‍याच्या पगारात खासगी कंपनीचे ३-३ कर्मचारी काम करू शकतात” – अजित पवार

नोकर भरतीत खासगीकरण केल्याने सरकारी नोकऱ्या संपुष्टात येणार आहेत. त्यामुळे आरक्षणाचा फायदा काय? असा प्रश्न विचारला जात आहे. नोकरी भरतीत खाजगीकरण झाल्याने तिथे आरक्षण लागू होत नाही. त्यामुळे जितेंद्र आव्हाडांनी हा मुद्दा उचलून धरला आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Backward classes wake up jitendra awhads appeal due to that decision of the state government said reservation ended sgk

First published on: 12-09-2023 at 19:54 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×