April 2024 Bank Holidays List: एप्रिल महिन्यात गुढीपाडवा ते ईद, डॉ. बाबासाहेब आंबेडकर जयंती पासून ते राम नवमीपर्यंत अनेक सण व उत्सव साजरे होणार आहेत. या सणांची तयारी करताना आपल्याला बँकांच्या व्यवहाराचे अडथळे येऊ नये यासाठी आज आपण येत्या एप्रिल २०२४ मधील सार्वजनिक सुट्ट्या व बँक हॉलिडेजची यादी आज पाहणार आहोत. राष्ट्रीय सण/सुट्टी, शनिवार ( दुसरा आणि चौथा) व सर्व रविवार हे सर्वच राज्यांमधील बँकांसाठी सुट्टीचे दिवस असतात. तर शनिवार व रविवारच्या सुट्ट्यांच्या व्यतिरिक्त काही सुट्ट्या या ठराविक राज्यांसाठी विशिष्ट सणांच्या आधारे निश्चित केल्या जातात. एप्रिलमधील सुट्ट्यांचे कॅलेंडर पाहण्याआधी हे जाणून घ्या की, या सुट्टीच्या दिवशी ऑफलाइन बँकेच्या केवळ शाखा बंद राहतील, मात्र, मोबाइल बँकिंग, UPI आणि इंटरनेट बँकिंग यासारख्या डिजिटल सेवा अखंडपणे चालू असतात. खालील सुट्ट्यांच्या कॅलेंडरच्या व्यक्तिरिक्त बँकेच्या वेळापत्रकातील कोणतेही अतिरिक्त बदल हे ग्राहकांना आधीच कळवले जातात. एप्रिल २०२४ मधील 'या' दिवशी बंद असणार बँक तारीखवारसण- सुट्टी09/04/2024मंगळवार गुढी पाडवा10/4/2024बुधवार ईद उल फितर11/04/2024गुरुवार ईद उल फितर13/04/2024शनिवार दुसरा शनिवार14/04/2024रविवार डॉ आंबेडकर जयंती17/04/2024बुधवार राम नवमी21/04/2024रविवार महावीर जयंती27/04/2024शनिवारचौथा शनिवार तुम्हाला माहित आहे का? भारतातील बँकांच्या सुट्ट्या या १८८१ च्या राज्य सरकार, केंद्र सरकार आणि केंद्रशासित प्रदेश कायद्यांतर्गत सूचीबद्ध आहेत. रिझर्व्ह बँक ऑफ इंडिया (RBI) तर्फे दरवर्षी संपूर्ण वर्षासाठी बँकांच्या सुट्टीचे कॅलेंडर प्रकाशित केले जाते. हे कॅलेंडर सर्व बँकांद्वारे फॉलो करणे अनिवार्य असते.
