जनहितार्थ देहदान, अवयवदान आणि नेत्रदानाचा महत्त्वपूर्ण निर्णय

ज्येष्ठ सामाजिक कार्यकर्ते वासुदेव उर्फ भाई देऊलकर, सैनिक स्कूलमधील परमेश्वर सावळे आणि सर्पमित्र महेश राऊळ यांनी देहदानाचा महत्त्वपूर्ण निर्णय घेतला आहे. सिंधू रक्तमित्र संघटनेच्या माध्यमातून त्यांनी आवश्यक ती कागदपत्रे पूर्ण केली आहेत.

सिंधू रक्तमित्र संघटनेच्या सहकार्याने देहदानाचा फॉर्म भरून त्यांनी आपला हा महत्त्वपूर्ण निर्णय जाहीर केला. यावेळी माजी नगराध्यक्ष बबन साळगावकर, संजू परब यांच्यासह अनेक मित्रपरिवार उपस्थित होता.देहदानाचा निर्णय घेतलेल्यांमध्ये भाई देऊलकर, परमेश्वर सावळे आणि महेश राऊळ यांचा समावेश आहे, तर रिक्षा युनियनचे सुधीर पराडकर, पत्रकार संजय पिळणकर, त्यांच्या पत्नी सौ. समृद्धी पिळणकर आणि सासूबाई श्रीमती सरिता मुननकर यांनी नेत्रदानाचा निर्णय जाहीर केला आहे.

या प्रसंगी माजी नगराध्यक्ष बबन साळगावकर, माजी नगराध्यक्ष संजू परब, सिंधू रक्तमित्र संघटनेचे जिल्हाध्यक्ष प्रकाश तेंडुलकर, तालुका अध्यक्ष सुनील राऊळ, सैनिक पतसंस्थेचे चेअरमन बाबुराव कविटकर, ज्येष्ठ पत्रकार उत्तम वाडकर, अभिमन्यू लोंढे, पत्रकार शामसुंदर देऊलकर, दीनानाथ बांदेकर, रिक्षा संघटनेचे नेते सुधीर पराडकर, प्रल्हाद तावडे, प्रताप परब यांच्यासह अनेक मान्यवर उपस्थित होते.