“तुम्हाला जर ६ महिन्यात मर्सिडीज किंवा बीएमडब्ल्यू हवी असेल तर…”, सरन्यायाधीश गवई यांचा वकिलांना सल्ला

सरन्यायाधीश भूषण गवई यांनी विधी शाखेतून नुकतीच पदवी ग्रहण केलेल्या उमेदवारांनाही मोलाचा सल्ला दिला. ते म्हणाले, पदवीधरांनी त्यांच्य डोक्यात प्रतिष्ठेची हवा जाऊ देऊ नये. मी अनेक कनिष्ठ वकिलांना पाहतो, जे त्यांच्या वरिष्ठांना बसायला जागाही देत नाहीत.

न्यायालयात न्यायाधीश आणि वकिल हे दोघेही एकसमान आहेत. तिथली खुर्ची ही लोकांची सेवा करण्यासाठी आहे. खुर्चीशी संबंधित हवा डोक्यात जाऊ देऊ नये, असेही ते पुढे म्हणाले.

निवृत्तीनंतर कोणतेही सरकारी पद स्वीकारणार नाही

सरन्यायाधीश गवई यावर्षी नोव्हेंबर महिन्यात निवृत्त होत आहेत. निवृत्तीनंतर कोणतेही शासकीय पद स्वीकारणार नाही, असेही ते म्हणाले. दर्यापूर, अमरावती आणि नागपूरमध्ये माझा अधिक वेळ घालवेल, असेही गवई यांनी यावेळी सांगितले. सरन्यायाधीश गवई यांचे वडील आर. एस. गवई हे केरळ आणि बिहारचे माजी राज्यपाल होते. त्यांच्या १० व्या पुण्यतिथीनिमित्त आयोजित एका कार्यक्रमात आले असताना गवई यांनी निवृत्तीनंतरच्या योजनेबद्दल सांगितले.