scorecardresearch

Premium

सत्तारांच्या वादग्रस्त कृषीमहोत्सवावर सरकारची मेहरनजर आहे का? धनंजय मुंडे म्हणाले, “५७ लाख रुपयांची…”

शिंदे गटाचे नेते अब्दुल सत्तार कृषीमंत्री असताना त्यांनी आयोजित केलेल्या वादग्रस्त कृषीमहोत्सवावर विद्यमान कृषीमंत्री धनंजय मुंडेंनी प्रतिक्रिया दिली.

Dhananjay Munde Abdul Sattar
सत्तारांच्या वादग्रस्त कृषीमहोत्सवावर धनंजय मुंडेंची प्रतिक्रिया (लोकसत्ता ग्राफिक्स टीम)

शिंदे गटाचे नेते अब्दुल सत्तार कृषीमंत्री असताना त्यांनी आयोजित केलेला कृषीमहोत्सव वादात सापडला होता. आता कृषीमंत्रीपद राष्ट्रवादी काँग्रेसच्या बंडखोर अजित पवार गटातील धनंजय मुंडेंकडे आलं. यानंतर या महोत्सावासाठी पुन्हा ५४ लाख ७१ हजार रुपये मंजूर केल्याचं बोललं जात आहे. याबाबत पत्रकारांनी धनंजय मुंडेंना विचारणा असता त्यांनी प्रतिक्रिया दिली.

धनंजय मुंडे म्हणाले, “हा प्रश्नच चुकीचा आहे. कृषी महोत्सवाबाबत ५७ लाख रुपयांची देयकं देणं बाकी होती. ती देयके कृषी विभागाला द्यायची आहेत. ही देयके द्यावीत की नाही हे कृषीमंत्र्याला विचारलं जात नाही. हा निर्णय खालच्या पातळीवर अधिकाऱ्यांच्या स्तरावर घेतला आहे आणि देयके दिली आहेत.”

Case against Congress workers for burning effigy of Prime Minister
पुणे : पंतप्रधानांचा पुतळा जाळल्याप्रकरणी काँग्रेस कार्यकर्त्यांविरुद्ध गुन्हा
asha workers protest at ajit pawar s bungalow
नागपूर: आशा स्वयंसेविकांचे उपमुख्यमंत्री अजित पवार यांच्या बंगल्यापुढे ठिय्या आंदोलन, मागणी पूर्ण होईस्तोवर…
Nikhil Wagles car was smashed in pune ink was thrown on the car
पुणे : निखिल वागळे यांची गाडी फोडली, गाडीवर शाईफेक
Construction Minister ravindra chavans program boycotted by Guardian Ministers and MP
महायुतीतील घटक पक्षाच्या पदाधिकाऱ्यांच्या घरी गेल्याने बांधकाम मंत्री चव्हाण यांच्या कार्यक्रमावर पालकमंत्री, खासदारांचा बहिष्कार

“शेतकरी आभाळाखाली शेती करणारी एकमेव जात”

धनंजय मुंडे पुढे म्हणाले, “शेतकऱ्यांची आत्महत्या केवळ यवतमाळ जिल्ह्यात नाही, तर सर्वदूर महाराष्ट्रात होते. या आत्महत्या आज होत नाहीत. शेतकऱ्यांसमोर असंख्य संकटं आहेत. शेतकऱ्यांच्या मालाला भाव मिळाला तर हा भाव खाली कसा जाईल अशा बातम्या माध्यमं करतात. भाव नाही मिळाला तर टोमॅटो फेकून दिल्याच्याही बातम्या केल्या जातात. लोकशाहीचा चौथा स्तंभ असलेल्या माध्यमांनी एक गोष्ट लक्षात घेतली पाहिजे की, शेतकरी आभाळाखाली शेती करणारी एकमेव जात आहे. त्यामुळे निसर्गाचं प्रत्येक संकट शेतकऱ्याला अडचणीत आणतं.”

हेही वाचा : “माझी तक्रार ही आहे की, मागील निवडणुकीत त्यांनी…”; शरद पवारांचा अजित पवार गटावर हल्लाबोल

“शेतकऱ्यांच्या खिशातील १५०० कोटी रुपये वाचले”

“कधी पाऊस, गारपीट, दुष्काळ, पूर अशा सर्व परिस्थितीला शेतकऱ्याला सामोरं जावं लागतं. अशा संकटाच्या काळात अल्पकालीन, मध्यम व दीर्घकालीन उपाययोजना कराव्या लागतील. शेतकऱ्याला शाश्वत शेतीचा आधार द्यावा लागेल. आम्ही तोच आधार देण्याचा प्रयत्न करत आहोत. म्हणूनच शेतकऱ्याच्या पिक विम्याचा हिस्सा सरकारने भरला. शेतकऱ्याला एक रुपयाच भरावा लागला. त्यामुळे शेतकऱ्यांच्या खिशातील १५०० कोटी रुपये वाचले,” असंही मुंडेंनी नमूद केलं.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Dhananjay munde comment on controversial agri festival by abdul sattar pbs

First published on: 18-08-2023 at 17:26 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×