भाजपचा प्रचार केला म्हणून जिल्हा बँक संचालक पदाचा राजीनामा देण्याचा आदेश

सांगली : लोकसभा निवडणुकीमध्ये भाजपचा प्रचार केल्यामुळे जतचे सरदार पाटील यांना जिल्हा मध्यवर्ती बँकेच्या संचालक पदाचा राजीनामा देण्याचा आदेश काँग्रेसचे जिल्हाध्यक्ष आमदार विक्रम सावंत यांनी दिला आहे. लोकसभा निवडणुकीत आपण महाविकास आघाडीचे चंद्रहार पाटील यांचा प्रचार केला नाही म्हणून राजीनामा मागितला असता तर उचित ठरले असते असे सांगत आपण गुरुवारी राजीनामा देत असल्याचे पाटील यांनी  सांगितले. श्री. पाटील हे भाजपचे माजी जिल्हा परिषद सदस्य होते. त्यांनी भाजपमधून काँग्रेसमध्ये प्रवेश केला होता. यामुळे त्यांना काँग्रेसच्या कोट्यातून जिल्हा बँकेचे संचालक पद देण्यात आले होते.