विधानसभा निवडणुकीत परळी विधानसभा मतदारसंघातून भाजपाच्या नेत्या व बहीण पंकजा मुंडेंचा दणदणीत पराभव करुन जिंकून आलेले राष्ट्रवादीचे नवनिर्वाचित आमदार धनंजय मुंडे यांनी भाऊबीजेनिमित्त शुभेच्छा दिल्या आहेत. "जिव्हाळ्याचे नाते दर दिवसागणिक उजळत राहू दे.भावा-बहिणीची साथ आयुष्यभर अतूट राहू दे. महाराष्ट्रातील माझ्या सर्व भगिनींना भाऊबीजेच्या हार्दिक शुभेच्छा!" असं ट्विट करत मुंडेंनी भाऊबीजेनिमित्त शुभेच्छा दिल्यात. यापूर्वी काल(दि.२८) धनंजय मुंडे यांनी सुप्रिया सुळे यांच्यासोबतचा फोटोही ट्विटरद्वारे शेअर केला. सुप्रिया सुळेंच्या फोटोसोबत ट्विट करताना मुंडेंनी "मानलेलं जरी असलं.तरी रक्ताच्या नात्याहून कमी नसतं.बहिण भावाचे नातं असंच अनमोल असतं! उद्या भाऊबीज व आजच गोविंदबागेत सुप्रियाताई सुळे यांनी शुभेच्छा देऊन आशीर्वाद दिला. भाऊबीजेच्या आधीच मला आशीर्वादरुपी भाऊबीज मिळाली त्याचा आनंद शब्दात व्यक्त करणं सुद्धा कठीण आहे. " असं म्हटलं होतं. जिव्हाळ्याचे नाते दर दिवसागणिक उजळत राहू दे भाव बहिणीची साथ आयुष्यभर अतूट राहू दे. महाराष्ट्रातील माझ्या सर्व भगिनींना भाऊबीजेच्या हार्दिक शुभेच्छा!#Bhaubeej #Deepavali #Deepotsav2019 #HappyDiwali #HappyDeepavali pic.twitter.com/RRPtYSv4i7 — Dhananjay Munde (@dhananjay_munde) October 29, 2019 मानलेलं जरी असलं तरी रक्ताच्या नात्याहून कमी नसतं, बहिण भावाचे नातं असंच अनमोल असतं! उद्या भाऊबीज व आजच गोविंदबागेत सुप्रियाताई सुळे यांनी शुभेच्छा देऊन आशीर्वाद दिला. भाऊबीजेच्या आधीच मला आशीर्वादरुपी भाऊबीज मिळाली त्याचा आनंद शब्दात व्यक्त करणं सुद्धा कठीण आहे. @supriya_sule pic.twitter.com/IwtE0HixYn — Dhananjay Munde (@dhananjay_munde) October 28, 2019 दरम्यान, परळी विधानसभा मतदारसंघात धनंजय मुंडे आणि पंकजा मुंडे या भावा-बहिणींची लढत झाली. यात मुंडे यांनी बाजी मारताना तब्बल 30 हजारांहून अधिक मताधिक्य घेत भाजपाच्या पंकजा मुंडे यांचा दणदणीत पराभव केला.
