ज्येष्ठ समाजसेवक डॉ.अभय बंग यांना छातीत दुखू लागल्याने मंगळवारी दुपारी नागपूरमधील रुग्णालयात दाखल करण्यात आले आहे. अभय बंग यांच्यावर याआधी बायपास सर्जरी देखील झाली आहे. छातीत दुखत असल्याची तक्रार बंग यांना मंगळवार सकाळपासून जाणवू लागली. दुपारच्या सुमारास गडचिरोतील एका नियोजित कार्यक्रमास ते गेले असताना छातीतील दुखणे वाढले आणि त्यांना तातडीने नागपूरस्थित रुग्णालयात दाखल करण्यात आले. अभय बंग यांच्यावर सध्या रुग्णालयाच्या अतिदक्षता विभागात(आयसीयू) उपचार सुरू आहेत.