"मनसेला महायुतीत घ्या", राहुल शेवाळेंची मागणी; म्हणाले, "समान विचार असणारे..."

माघी गणेश जयंतीच्या निमित्ताने मनसेचे नेते संदीप देशपांडे यांनी शिंदे गटाचे खासदार राहुल शेवाळे यांच्या निवासस्थानी जाऊन गणरायाचे दर्शन घेतले.

राहुल शेवाळे आणि राज ठाकरे (फोटो- लोकसत्ता ग्राफिक्स टीम)

लोकसभेची निवडणूक अवघ्या काही महिन्यांवर येऊन ठेपली आहे. त्यामुळे या निवडणुकीची तयारी म्हणून महाराष्ट्रात राजकीय घडामोडींना वेग आला आहे. अनेक नेते आपल्या सोईनुसार पक्षांतर करत आहेत. तर सत्ताधारी आणि विरोधकांकडून समविचारी पक्षांना सोबत घेण्यासाठी प्रयत्न केला जातोय. असे असतानाच महाराष्ट्र नवनिर्माण सेना अर्थात मनसेचाही भाजपा-शिवसेना (शिंदे गट) या महायुतीत समावेश करावा, असे शिंदे गटाचे खासदार राहुल शेवाळे म्हणाले आहेत. ते ‘टीव्ही ९ मराठी’ या मराठी वृत्तवाहिनीशी बोलत होते.

संदीप देशपांडे राहुल शेवाळेंच्या घरी

माघी गणेश जयंतीच्या निमित्ताने मनसेचे नेते संदीप देशपांडे यांनी शिंदे गटाचे खासदार राहुल शेवाळे यांच्या निवासस्थानी जाऊन गणरायाचे दर्शन घेतले. त्यानंतर महायुतीत मनसेचा समावेश करायला पाहिजे अशी आमची भूमिका आहे, असे राहुल शेवाळे म्हणाले.

आणखी वाचा

wardha Aam Aadmi Party which helped Amar Kale win taken candidate wise stance now

आघाडीस धक्का! ‘ आप ‘चा दोन ठिकाणी आघाडीस तर दोन ठिकाणी अपक्षास पाठिंबा.

Madhurima Raje : सतेज पाटील ज्यांच्यामुळे ढसाढसा रडले…

Umarkhed, Digras, Ralegaon, Sanjay Rathod,

उमरखेडमध्ये दोन माजी आमदारांचे नवख्यांना आव्हान; दिग्रस, राळेगावमध्ये आज-माजी मंत्र्यांची शक्ती पणाला

DGP rashmi shukla visited RSS headquarters at Nagpur, nana patole complaint to election commission of india

निवडणुकीपूर्वी बदली झालेल्या रश्मी शुक्ला कोण आहेत? विरोधकांनी त्यांच्या बदलीची मागणी का केली होती?

Criticism between the ruling party and the opposition vidhan sabha election 2024

‘दशकभराच्या पीछेहाटी’वरून सत्ताधारी-विरोधकांत कलगीतुरा

“मुंब्र्यात जाऊन जितेंद्र आव्हाडांना…”, मिटकरींचं आव्हान; अजित पवारांवरील टीकेनंतर संताप व्यक्त करत म्हणाले…

Ratan Tata Successful businessman with social consciousness

रतन टाटा : सामाजिक जाणीव राखणारा यशस्वी उद्योगपती

end the Jayant Patils reckless politics says Sadabhau Khot

जयंत पाटलांच्या अविचारी राजकारणाला पूर्णविराम द्या – सदाभाऊ खोत

राहुल शेवाळे नेमकं काय म्हणाले?

“मनसेचा महायुतीत समावेश करावा, अशी सर्वांचीच भूमिका आहे. कारण आम्ही ज्या विचारांना पुढे घेऊन जाण्याचा संकल्प केलेला आहे, त्याच विचारांवर मनसेची कार्यप्रणाली आधारित आहे. अशा वेळी समान विचार असणारे पक्ष एकत्र आले तर त्याचा फायदा होईल. मनसे पक्ष सोबत आला तर स्वागत होईल. राज ठाकरे याबाबत लवकरच निर्णय घेतील,” अशी भूमिका शिवसेनेचे (शिंदे गट) खासदार राहुल शेवाळे यांनी मांडली

राज ठाकरे-एकनाथ शिंदे-फडणवीस अनेकवेळा एकत्र

दरम्यान, मनसेचे अध्यक्ष राज ठाकरे यांची मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याशी असलेली मैत्री लपून राहिलेली नाही. वेगवेगळ्या कार्यक्रमांच्या निमित्ताने ही त्रयी अनेकवेळा एकत्र दिसलेली आहे. त्यामुळे आगामी काळात खरंच मनसेचा महायुतीत समावेश होणार का? हे पाहणे महत्त्वाचे ठरणार आहे.

First published on: 13-02-2024 at 19:41 IST

Web Title: Eknath shinde shiv sena mp rahul shewale demands mns to be include in shivsena bjp alliance prd

“मनसेला महायुतीत घ्या”, राहुल शेवाळेंची मागणी; म्हणाले, “समान विचार असणारे…”

संदीप देशपांडे राहुल शेवाळेंच्या घरी

राहुल शेवाळे नेमकं काय म्हणाले?

राज ठाकरे-एकनाथ शिंदे-फडणवीस अनेकवेळा एकत्र