इंग्लंडच्या बनावट नोटा अर्धवट जळालेल्या स्थितीत सांगलीच्या कत्तलखाना परिसरात रविवारी आढळून आल्याने पोलिसांची मात्र तारांबळ उडाली. अर्धवट जळालेल्या या नोटा एकाच क्रमांकाच्या असल्याने बनावट असल्याचे सिद्ध होत असले तरी त्यांचा खरेपणा तपासण्यासाठी नाशिकला धाडण्याचा निर्णय पोलिसांनी घेतला आहे.
आज सकाळी कत्तलखाना परिसरात एका व्यक्तीला ५० पौंडच्या बँक ऑफ इंग्लंडच्या आणि राणीचे चित्र असलेल्या नोटा सापडल्या. हे परकीय चलन बाजारात आणण्याच्या दृष्टीने कोणी प्रयत्न करीत आहेत की काय, अशी शंका आल्याने पोलिसांनीही हे प्रकरण गांभीर्याने घेतले आहे.
या नोटांचा खरेपणा तपासण्यात येणार असल्याचे पोलीस सूत्रांकडून सांगण्यात आले.