सरकारी अधिकारी-कर्मचाऱ्यांसाठी खुशखबर; सप्टेंबरमध्ये येणारं वेतन ऑगस्टमध्येच मिळणार!

नेमका काय आहे निर्णय?

यासंदर्भातील शासकीय आदेशांनुसार सप्टेंबर महिन्यात अधिकारी, कर्मचारी आणि निवृत्ती वेतनधारकांना येणारं वेतन हे गणेशोत्सवाच्या दोन दिवस आधी, अर्थात २९ ऑगस्ट रोजीच देण्याचा निर्णय घेण्यात आला आहे. गणेशोत्सव सण साजरा करताना राज्य सरकारच्या कर्मचाऱ्यांना आर्थिक अडचणींचा सामना करावा लागू नये, यासाठी हा निर्णय घेण्यात आल्याचं आदेशात म्हटलं आहे.

निर्णय कुणाला लागू?

सरकारने घेतलेला हा निर्णय जिल्हा परिषद, मान्यताप्राप्त व अनुदान प्राप्त शैक्षणिक संस्था, कृषि विद्यापीठे, कृषि विद्यापीठांशी संलग्न अशासकीय महाविद्यालयांचे अधिकारी-कर्मचारी, तसेच निवृत्तीवेतनधारक किंवा कुटुंबनिवृत्तीवेतनधारक यांना लागू होईल.