मुंबई-पुणे एक्स्प्रेस वेवरील बोरघाटात मोठ्या प्रमाणात वाहतूक कोंडी झाली आहे. HOC ब्रिज ते अमृतानजन पुलापर्यंत २ किलोमीटर वाहनांच्या रांगा लागल्या आहेत. मुंबईहून पुण्याच्या दिशेने जाणाऱ्या मार्गावर वाहतूक कोंडी झाली आहे. साप्ताहीक सुट्टी आणि दिवाळीनिमित्त गावाकडे जाणाऱ्या वाहनांची गर्दी दिसून येत आहे.

शाळेतील सहामाहीच्या परीक्षा संपल्या आहेत. तसेच आजपासून दिवाळीला सुरुवात झाली आहे. त्याआधी आलेल्या साप्ताहीक सुट्टीची संधी साधून अनेकांनी गावी जाण्याचा निर्णय घेतला आहे. त्याशिवाय, साप्ताहीक सुट्टी निमित्ताने मुंबईकर आणि ठाणेकर मुंबईच्या बाहेर जाताना दिसत आहेत. त्यामुळे मुंबई-पुणे एक्स्प्रेस वे वर वाहनांची गर्दी दिसून येत आहे. परिणामी बोरघाटात वाहनांची रांग लागली आहे. अमृतांजन पुलाजवळ सुमारे २ किलोमीटर वाहनाच्या रांगा लागल्या आहेत. वाहतूक कोंडी फोडण्यासाठी यंत्रणांकडून प्रयत्न सुरू आहे.