राजकीय वातावरण बदलत आहे. यामुळे आता बदलत्या वातावरणाप्रमाणे मलाही बदलावे लागेल, असे सांगत आमदार शिवेंद्रसिंहराजे भोसले यांनी त्यांच्या संभाव्य भाजप प्रवेशाचे समर्थन केले. तसेच आपण गेल्या दहा वर्षांत पक्षासाठी खूप काम केले. मात्र पक्षाकडून आपल्याला अपेक्षित सहकार्य, मदत मिळाली नाही. उलट माझ्यावर अन्यायच झाल्याची खंतही त्यांनी या वेळी व्यक्त केली.

शिवेंद्रसिंहराजे यांनी मंगळवारी राष्ट्रवादी काँग्रेस आणि आमदारकीचा राजीनामा दिला. बुधवारी ते भाजपमध्ये जाहीर प्रवेश करणार आहेत. या पार्श्वभूमीवर सातारा येथे आयोजित समर्थकांच्या मेळाव्यात बोलताना  त्यांनी हे  मत व्यक्त केले.