कराड : पुणे-बंगळूरु महामार्गावरील तासवडे पथकर नाक्यावर तळबीड पोलिसांनी टेम्पोसह १० लाख ३० हजार रुपयांचा गुटखा पकडला. तर विकास वसंत जाधव (३५, रा. गणेश चौक, कोडोली, सातारा) याला अटक केली.
This quiz is AI-generated and for edutainment purposes only.
पोलिसांच्या माहितीनुसार महामार्गावर रात्रीच्या सुमारास निपाणी (कर्नाटक) येथून टेम्पो गुटखा घेऊन जाणार असल्याची माहिती तळबीडचे प्रभारी किरण भोसले यांना मिळाली होती. त्यानुसार तासवडे पथकर नाक्यावर नाकाबंदी करून टेम्पोची झडती घेतली असता त्यामध्ये १० लाख ३० हजार रुपये किमतीचा गुटखा मिळून आला. पोलिसांनी टेम्पोसह १० लाख ३० हजार रुपये किमतीचा गुटखा जप्त केला आहे. तळबीड पोलीस ठाण्यात याप्रकरणी गुन्हा दाखल करण्यात आला आहे. संशयित विकास जाधवला पोलिसांनी अटक केली आहे.