प्रिसिजन जागतिक महिला मानांकन खुले टेनिस : एकेरीत भारताची सहजा यमलापल्ली विजेती

हेही वाचा : सातारा : महाबळेश्वर, पाचगणीत पर्यटक अडकले वाहनांच्या गर्दीत

पहिल्या सेटमध्ये दोन्ही खेळाडूंनी सुरुवातीला तोडीस तोड खेळ केला. चौथ्या गेमपर्यंत दोन्ही खेळाडूंनी आपापल्या सर्व्हिस राखल्या व त्यामुळे ४-४ अशी बरोबरी झाली. सहजाने दहाव्या गेममध्ये एकतेरिनाची सर्व्हिस रोखली व हा ६-४ असा जिंकून विजेतेपदाच्या दिशेने एक पाऊल पुढे टाकले. दुसऱ्या सेटमध्ये सहजाने आक्रमक खेळ केला. चौथ्या गेममध्ये एकतेरिनाची सर्व्हिस रोखून ५-२ अशी आघाडी घेतली. एकतेरिनानेही सहजाची सातव्या गेम मध्ये सर्व्हिस रोखली. पण पुढे सहजाने एकतेरिना ची सर्व्हिस भेदली आणि ६-३ असा जिंकून विजेतेपदावर आपले नाव कोरले. विजेत्या सहजा यमलापल्लीला प्रिसिजन करंडक व तीन लाख २९ हजार ६०५ रूपये तर उपविजेत्या एकतेरिना मकारोवा हिला करंडक व एक लाख २९ हजार ८८१ रूपये अशी पारितोषिके देण्यात आली. स्पर्धेचे पारितोषिक वितरण प्रिसिजन कॅमशाफ्ट्स लिमिटेडचे यतीन शहा, ओएसीस मॉलचे डॉ. शंतनू गांधी व सिद्धार्थ गांधी यांच्या हस्ते करण्यात आले. या स्पर्धेसाठी २५ हजार डाॅलरची बक्षिसे ठेवण्यात आली होती.