scorecardresearch

Premium

हिंदू विरुद्ध बोलाल तर समूळ उच्चाटन करू, साध्वी प्रज्ञासिंह ठाकूर यांचे प्रतिपादन

काँग्रेसने सुध्दा देशाला एकत्रित ठेवण्याऐवजी देश विखुरण्याचे काम केले असल्याचा आरोप करीत साध्वी यांनी काँग्रेसवर निशाणा साधला.

sadhvi pragya thakur, hindus and hindu dharma, speaking against hindu dharma
हिंदू विरुद्ध बोलाल तर समूळ उच्चाटन करू, साध्वी प्रज्ञासिंह ठाकूर यांचे प्रतिपादन (छायाचित्र – लोकसत्ता टीम)

वसई : भारत देशात राहून सुद्धा येथील संस्कृती व धर्म याविषयीची माहिती नाही, अशा लोकांकडून सध्या हिंदू विरोधी विविध प्रकारची वक्तव्य केली जात आहेत. जे हिंदू विरोधी बोलतील त्यांचे समूळ उच्चाटन करू, असे प्रतिपादन भोपाळच्या खासदार साध्वी प्रज्ञासिंह ठाकूर यांनी वसईत केले. वसईत प्रखर राष्ट्र चेतना सभेच्या निमित्ताने घेतलेल्या पत्रकार परिषदेत त्या बोलत होत्या.

रविवारी वसईत संत धर्म सभा, वसई यांच्या तर्फे प्रखर राष्ट्र चेतना सभा आयोजित करण्यात आली आहे. सभेपूर्वी साध्वी प्रज्ञासिंह ठाकूर यांनी वसईतील पत्रकारांशी संवाद साधला. भारत हा देश आहे मात्र इंग्रजांनी त्याचे इंडिया करून देशाला बदनाम करण्याचे काम केले आहे. भारत हे सनातन राष्ट्र आहे आणि सनातन धर्म आहे, असे त्यांनी यावेळी सांगितले आहे. तसेच जे हिंदू विरोधी वक्तव्य करून धार्मिक भावना भडकविण्याचे काम करीत आहे. काँग्रेसने सुध्दा देशाला एकत्रित ठेवण्याऐवजी देश विखुरण्याचे काम केले असल्याचा आरोप करीत साध्वी यांनी काँग्रेसवर निशाणा साधला. काँग्रेसने सतत जातीचे राजकारण केले आहे. भाजपा जातीचे राजकारण करीत नसून नवीन भारत हा विकसित भारत बनविण्यासाठी प्रयत्न करीत आहे. त्यामुळे आगामी निवडणुकीत सुद्धा पूर्ण बहुमताचे सरकार येईल, असेही त्यांनी सांगितले.

Shahjahan Sheikh arrest
लैंगिक अत्याचार प्रकरणातील आरोपी आणि तृणमूल काँग्रेसचा नेता शाहजहान शेखला ५४ दिवसांनी अटक
Death threat to Deputy Chief Minister devendra Fadnavis on social media case filed in Santacruz police station
उपमुख्यमंत्री फडणवीस यांना समाज माध्यमांवर ठार मारण्याची धमकी, सांताक्रुझ पोलीस ठाण्यात गुन्हा दाखल
KS Eshwarappa
‘गद्दार काँग्रेस नेत्यांना ठार मारण्यासाठी कायदा करा’, भाजपा नेत्याचे वादग्रस्त विधान
akhilesh_yadav
काँग्रेसच्या भारत जोडो न्याय यात्रेचे अखिलेश यादवांना आमंत्रण नाही? उत्तर प्रदेशमध्ये काय घडतंय?

हेही वाचा : शरद पवारांशी नित्य संपर्काचा प्रफुल्ल पटेलांचा दावा सुप्रिया सुळे यांनी फेटाळला

हेही वाचा : उद्धव ठाकरेंकडून ‘मातोश्री’ची दारे तुमच्यासाठी उघडी असतील का? भरत गोगावले म्हणाले…

जे कोणी हिंदू विरोधी व हिंदू धर्माविषयी बेताल वक्तव्य करीत असतील त्यांचे समूळ उच्चाटन केले जाईल. लव्ह जिहाद सारख्या अनेक घटना समोर येऊ लागल्या आहेत. हिंदू मुलींना प्रेमाच्या जाळ्यात अडकविले जात आहे. याशिवाय अत्याचाराच्या घटना घडत आहेत. यासाठी मुलींनीसुद्धा आपल्या आत्मरक्षणासाठी शस्त्र जवळ बाळगले तर काहीच चुकीचे नाही, असे त्यांनी पत्रकारांनी विचारलेल्या प्रश्नाला उत्तर देताना सांगितले. ईडीची अनेक मोठ्या राजकीय नेत्यांवर कारवाई सुरू होती. मात्र भाजपा मध्ये आल्यानंतर ते निर्दोष कसे होतात? असा प्रश्न काही पत्रकारांनी साध्वी यांना विचारला. त्याला उत्तर देताना केवळ भाजपात आले म्हणून त्यांच्यावरील कारवाई थांबली असे नसून त्यांच्या चौकशी नंतर त्यांना निर्दोष सोडले आहे. ज्यांची चौकशी सुरू आहे त्यांच्यावर त्यानुसार कारवाई होत असल्याचे त्यांनी सांगितले. आज वसईत सनातन धर्म व राष्ट्राविषयीची चेतना जगविण्यासाठी आले असल्याचे त्यांनी यावेळी स्पष्ट केले.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: In vasai sadhvi pragya thakur on those who speaks against hindus and hindu dharm css

First published on: 08-10-2023 at 19:03 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×