लेह-श्रीनगर मार्गावरील दराज येथे महिपाळगड (ता. चंदगड, जि. कोल्हापूर) येथील जवान महादेव तुपारे यांचा बर्फात गुदमरून मृत्यू झाल्याची घटना घडली आहे. बुधवारी (दि. ८ मार्च) ही घटना घडली. यामुळे चंदगड तालुक्यात शोककळा पसरली आहे.
महादेव तुपारे यांचा बर्फवृष्टीमुळे बर्फाखाली गुदमरुन मृत्यू झाल्याची माहिती सैन्य अधिकाऱ्यांनी तुपारे कुटुंबियांनी गुरुवारी कळवली. महादेव तुपारे हे १६ कुमाँऊ रेजिमेंटमध्ये उत्तराखंड येथे २००५ साली सैन्यात दाखल झाले होते. त्यांच्या मागे आई, वडील, पत्नी आणि दोन मुले आहेत. सैन्यात ते क्लार्क या पदावर कार्यरत होते. लेह-श्रीनगर भागात बर्फवृष्टी होत असल्याने महादेव यांचं पार्थिव पोहोचवण्यासाठी अडथळा येत असल्याचे समजते.