Maharashtra News Updates: महाराष्ट्रातील स्थानिक स्वराज्य संस्थांच्या निवडणुका दिवाळीनंतर, राज्य निवडणूक आयोगाची माहिती

महाराष्ट्रात दिवाळीनंतर स्थानिक स्वराज्य संस्थांच्या निवडणुका होतील, अशी माहिती राज्य निवडणूक आयोगाकडून देण्यात आली आहे. त्यामुळे या निवडणुका डिसेंबर किंवा जानेवारीपर्यंत होण्याची शक्यता आहे. तसेच, या निवडणुका एकाच टप्प्यात न होता वेगवेगळ्या टप्प्यांमध्ये होणार असल्याची माहितीही समोर आली आहे.

आमचा बाप बाळासाहेब ठाकरे आहेत. हे सगळ्यांना माहिती आहे. सर्व शिवसैनिकांना हे माहिती आहे. आमचा बाप कुणी काढायची गरज नाही. त्यांचा बाप कोण असेल ते त्यांनी सांगावं. आमच्या पक्षाबद्दल त्यांनी बोलायची गरज नाहीये. परिणय फुके अतिशय चांगले, विद्वान नेते आहेत. तरुण, तडफदार नेते म्हणून ते विदर्भात परिचित आहेत. त्यांनी अशा प्रकारे महायुतीतील घटकपक्षाबद्दल बोलणं योग्य नाही - प्रताप सरनाईक, परिवहन मंत्री

महादेवी हत्तिणीला कोल्हापूरला परत आणण्यासंदर्भात न्यायालयात सरकार नांदणी मठासोबत सहयाचिकाकर्ते होणार असल्याचं आश्वासन मुख्यमंत्री देवेंद्र फडणवीसांनी बैठकीत दिल्याचं सांगितलं जात आहे.

उपमुख्यमंत्री एकनाथ शिंदे दिल्ली दौऱ्यावर गेले असून त्यावरून राजकीय तर्क-वितर्कांना उधाण आलं आहे. एकनाथ शिंदेंच्या दिल्ली दौऱ्यात नेमक्या कुणाशी भेटीगाठी होणार? याचे अंदाज बांधले जात आहेत. राज्यात होणाऱ्या आगामी स्थानिक स्वराज्य संस्थांच्या पार्श्वभूमीवर महायुतीमधील आपले स्थान व त्याअनुषंगाने जागावाटपामध्ये घेतली जाणारी भूमिका यासंदर्भात या भेटीगाठी होत असल्याचं बोललं जात आहे.