महाराष्ट्रात मागील २४ तासात ५ हजार ५३५ नवे करोना रुग्ण आढळले आहेत. तर १५४ जणांच्या मृत्यूची नोंद झाली आहे. आत्तापर्यंत महाराष्ट्रात एकूण १७ लाख ६३ हजार ५५ रुग्णांना करोनाची बाधा झाली आहे. ज्यापैकी १६ लाख ३५ हजार ९७१ रुग्ण करोनामुक्त झाले आहेत. तर आज घडीला ७९ हजार ७३८ अॅक्टिव्ह केसेस आहेत. तर महाराष्ट्रात आजपर्यंत ४६ हजार ३५६ रुग्णांचा करोनामुळे मृत्यू झाला आहे. महाराष्ट्र शासनाच्या आरोग्य विभागाने ही माहिती दिली आहे. Maharashtra reports 5,535 new #COVID19 cases, 5,860 recoveries & 154 deaths. The total number of cases in the state is 17,63,055 There are 79,738 active cases in the state and 16,35,971 patients have recovered so far. The death toll is at 46,356 pic.twitter.com/ThqeoLiVKC — ANI (@ANI) November 19, 2020 आजपर्यंत पाठवण्यात आलेल्या ९९ लाख ६५ हजार ११९ प्रयोगशाळा नमुन्यांपैकी १७ लाख ६३ हजार ५५ नमुने पॉझिटिव्ह आले आहेत. आज समोर आलेल्या संख्येनुसार राज्यात ५ लाख ६० हजार ८६८ व्यक्ती होम क्वारंटाइन आहेत. तर ४ हजार २८४ व्यक्ती संस्थात्मक क्वारंटाइन आहेत. दरम्यान मागील २४ तासांमध्ये ५ हजार ८६० रुग्णांना डिस्चार्ज देण्यात आला आहे. आत्तापर्यंत १६ लाख ३५ हजार ९७१ रुग्ण करोनामुक्त झाले आहेत. त्यामुळे करोना रुग्ण बरे होण्याचे प्रमाण अर्थात रिकव्हरी रेट ९२.७९ टक्के इतका झाला आहे. मुंबईत ९२४ नवे रुग्ण मुंबईत करोनाचे ९२४ नवे रुग्ण मागील २४ तासांमध्ये आढळले आहेत. तर १ हजार १९२ रुग्ण हे करोनामुक्त झाले आहेत. तर मागील २४ तासांमध्ये मुंबईत १२ जणांचा मृत्यू झाला आहे. मुंबईत आत्तापर्यंत २ लाख ७२ हजार ४४९ रुग्णांना करोनाची बाधा झाली. त्यापैकी २ लाख ४९ हजार ९०३ रुग्णांनी करोनावर मात केली. तर आत्तापर्यंत एकूण १० हजार ६२४ रुग्णांचा करोनामुळे मृत्यू झाला आहे. आज घडीला मुंबईत ८ हजार ४७४ रुग्ण उपचार घेत आहेत.
