देगलूरचा जवान श्रीनगरमध्ये शहीद

सचिन वनंजे २०१७ मध्ये भारतीय लष्करात दाखल झाले. महाविद्यालयीन जीवनापासून जिद्दी, अभ्यासू व एनसीसीमध्ये कार्यरत होते. सुरुवातीच्या काळात त्यांची पहिली नियुक्ती सियाचीन भागात झाली होती. त्यानंतर पंजाबमधील जालंधर येथे सेवा बजावल्यानंतर गेल्या दीड वर्षापासून ते जम्मू-काश्मीरच्या श्रीनगर भागात कर्तव्यावर होते. ६ मे रोजी ते प्रवास करत असलेले लष्कराचे वाहन ८ हजार फूट खोल दरीत कोसळले. यातच त्यांचा मृत्यू झाला. २०२२ मध्ये त्यांचा विवाह झाला होता. त्यांच्या पश्चात पत्नी, आठ महिन्यांची मुलगी, आई-वडील, दोन भाऊ असा परिवार आहे.