“…तर फडणवीसांना त्यांची किंमत कळेल”, गुवाहाटीहून परतलेल्या आमदाराची बोचरी टीका!

देवेंद्र फडणवीसांच्या विधानाबाबत विचारलं असता नितीन देशमुख म्हणाले, “देवेंद्र फडणवीस उद्धव ठाकरेंना ‘शिल्लकसेना’ म्हणतात, उद्धव ठाकरेंजवळ पक्ष आणि चिन्ह नाही, असं म्हणतात. पण आता ते (देवेंद्र फडणवीस) आत्मचिंतन करत आहेत. त्यांनाही माहीत आहे की, पक्ष आणि चिन्ह नसताना उद्धव ठाकरेंच्या सभेला लाखोंच्या संख्येने लोक येत आहेत. महाराष्ट्रातील मराठी आणि हिंदू माणूस उद्धव ठाकरेंच्या पाठिशी आहे.

हेही वाचा- “माईक घेताना महिलेच्या अंगावरून हात…”, वकिलाच्या ‘त्या’ कृत्यावर सरन्यायाधीश भडकले

“देवेंद्र फडणवीसांनी स्वत:च्या पक्षाचं नाव आणि नरेंद्र मोदींचं नाव बाजुला करून महाराष्ट्रात फिरावं, त्यांच्या सभेला दहा लोकही उपस्थित राहणार नाहीत. ते पक्षाचं नाव बाजुला करून महाराष्ट्रात फिरले, तर व्यक्ती म्हणून त्यांना किती किंमत आहे? हे कळेल. उद्धव ठाकरेंना ‘शिल्लकसेना’ म्हणण्यापेक्षा तुमचं वैयक्तिक अस्तित्व काय आहे? ते आधी पाहा,” असा टोलाही नितीन देशमुखांनी लगावला.

हेही वाचा- “सुषमा अंधारेंना दोन चापट्या लगावल्या”; कथित मारहाणप्रकरणी संजय शिरसाटांची प्रतिक्रिया, म्हणाले, “त्या बाईने…”

देवेंद्र फडणवीसांना उद्देशून नितीन देशमुख पुढे म्हणाले, “तुम्ही उद्धव ठाकरेंचं पक्ष आणि चिन्ह जबरदस्तीने काढून घेतलं. तरीही त्यांच्या सभेला लाखोंच्या संख्येनं गर्दी जमा होते. तुम्ही पक्षाचं नाव बाजुला करून सभा घेण्यास गेलात तर तुमच्या सभेला दहा लोकही गोळा होणार नाहीत, अशी परिस्थिती तुमची महाराष्ट्रात आहे. तुम्हाला उद्धव ठाकरेच सगळीकडे दिसत आहेत. तुमच्या मनात भीती निर्माण झाली आहे, म्हणून वारंवार तुम्ही उद्धव ठाकरेंचं नाव घेत आहात.”