“गोट्या १२ वीच्या परिक्षेत नापास झाला, गोट्याने संतापून…” मनसे नेत्याची उद्धव ठाकरेंवर खोचक टीका

हे वाचा >> “वहिनींनी कळत-नकळत…”, शिवसेना फुटण्याचे कारण सांगताना भरत गोगावले यांनी केला खळबळजनक आरोप

काय म्हणाले अमेय खोपकर?

अमेय खोपकर यांनी उद्धव ठाकरेंच्या मागणीला घेऊन एक ट्विट केले. ज्यामध्ये त्यांनी म्हटले, “गोट्या १२ वीच्या बोर्डाच्या परिक्षेत नापास झाला… गोट्याने संतापून SSC व HSC बोर्ड बरखास्त करण्याची मागणी केली…” अमेय खोपकर यांच्या ट्विटनंतर अनेक कमेंट या ट्विट खाली आल्या आहेत. मनसेचे दुसरे एक कार्यकर्ते अनिकेत घुगे यांनी यावर कमेंट करताना म्हटले, “आता गोट्याला ड्रॉप लागणार कायमचा…”. अनेक युजर्सनी अमेय खोपकर यांना देखील याच भाषेत ट्रोल करत प्रश्न विचारले आहेत.

हे ही वाचा >> “शिवसेनेच्या सर्व निर्णयांचे अधिकार पक्षप्रमुख उद्धव ठाकरेंकडे…” सरन्यायाधीश चंद्रचूड यांनी ‘ते’ मराठीत असलेले पत्र वाचून दाखविले

उद्धव ठाकरे काय म्हणाले होते?

निवडणूक आयोगाने ‘शिवसेना’ नाव आणि ‘धनुष्यबाण’ पक्षचिन्ह एकनाथ शिंदे गटाला बहाल केलं आहे. निवडणूक आयोगाच्या या निर्णयानंतर उद्धव ठाकरे आक्रमक झाले आहेत. निवडणूक आयोगाचा निकाल एकांगी असून आपण तो मानायला तयार नाही, असं विधान उद्धव ठाकरे यांनी केलं आहे. शिवाय निवडणूक आयोग बरखास्त करा, अशी मागणी उद्धव ठाकरे यांनी पत्रकार परिषदेत केली. “निवडणूक आयोगानं सांगितलेल्या फॉरमॅटनुसार आम्ही शपथपत्रे दाखल केली. पाऊस पडत असताना आम्ही सुरक्षित पद्धतीने सर्व प्रतिज्ञापत्रे आयोगाकडे नेऊन दिली. आमच्याकडे रद्दी वाढली होती, म्हणून आम्ही ही कागदपत्रे निवडणूक आयोगाकडे दिली नव्हती. निवडणूक आयोगानेच आम्हाला सांगितलं होतं की, तुम्हाला तुमच्या पदाधिकाऱ्यांची प्रतिज्ञापत्र सादर करावी लागतील. तसेच सदस्य संख्या दाखवावी लागेल. त्यानुसार आम्ही सर्व कागदपत्रं जमा केली,” असंही उद्धव ठाकरे म्हणाले होते.

सुब्रमण्यम स्वामी यांचा उद्धव ठाकरेंना पाठिंबा

उद्धव ठाकरेंच्या मागणीला भाजपा आणि शिंदे गटाकडून विरोध होत असला तरी भाजपाचे जुने सहकारी सुब्रमण्यम स्वामी यांनी मात्र उद्धव ठाकरेंच्या मागणीला पाठिंबा दिला. ”मुख्य निवडणूक आयुक्तांना पदावरून हटवण्याच्या उद्धव ठाकरे यांच्या मागणीला माझा पाठिंबा आहे. कारण, त्यांचा कार्यकाळा अर्थमंत्रालयात संशायस्पद होता.” असं सुब्रमण्यम स्वामी यांनी ट्वीटद्वारे म्हटलं आहे.