जितेंद्र आव्हाडांवर ७२ तासांत दोन गुन्हे : “नाउमेद करण्यासाठी सत्तेचा…”, शरद पवारांची शिंदे सरकारवर टीका

शरद पवार यांनी मुंबईत प्रसारमाध्यमांशी संवाद साधला. तेव्हा जितेंद्र आव्हाड यांच्यावर दाखल करण्यात आलेल्या गुन्हांबाबत विचारले असता पवार यांनी सांगितलं, “लोकप्रतिनिधीच्या कामात अडथळा आणून, त्याला नाउमेदक केलं जात आहे. सत्तेचा गैरवापर करून गुन्हे दाखल करण्यात येत आहेत. या सगळ्याला जितेंद्र आव्हाड कधी बळी पडणार नाही. आपल्या विचाराच्या लढ्याला आव्हाड तडजोड करणार नाहीत,” असे शरद पवार म्हणाले.

हेही वाचा : मुख्यमंत्री एकनाथ शिंदेंच्या ज्योतीष भेटीवर शरद पवारांची पहिली प्रतिक्रिया, म्हणाले “दौरा सोडून हात दाखवायला…”

तसचे, राज्यपाल भगतसिंह कोश्यारी यांनी छत्रपती शिवाजी महाराज यांच्याबद्दल केलेल्या वक्तव्यावरही शरद पवार यांनी प्रतिक्रिया दिली. “राज्यपाल ही एक संस्था आहे. त्याच्या काही मर्यादा आणि बंधन अशतात. पण, छत्रपतींचा उल्लेख करताना त्यांनी सगळ्या मर्यादा सोडल्यात. त्या प्रकरणानंतर त्यांचं छत्रपतींबद्दल (चांगलं) बोलल्याचं स्टेटमेंट आलं. सगळ्या प्रतिक्रियांनंतर केलेलं हे विधान म्हणजे उशीराचं शहाणपण आहे,” असे शरद पवार यांनी म्हटलं.