खळबळजनक, गांजा, गावठी कट्ट्यांनंतर आता ब्राऊन शुगर, जळगावमध्ये २ महिलांकडून कोट्यावधींचे ड्रग्ज जप्त

आंतरराष्ट्रीय बाजारात कोट्यवधींची किंमत असलेला अमली पदार्थ म्हणून ब्राउन शुगर ओळखला जातो. रावेरमध्ये २ संशयित महिला ब्राउन शुगर घेऊन काही व्यक्तींशी व्यवहार करणार असल्याची खात्रीलायक माहिती स्थानिक गुन्हे अन्वेषण शाखेला मिळाली होती.

पोलिसांकडून सापळा रचत कारवाई

मिळालेल्या माहितीनुसार स्थानिक गुन्हे शाखेचे पोलीस निरीक्षक किरणकुमार बकाले व त्यांच्या पथकाने रावेरमध्ये सापळा रचला. सकाळी दहाच्या सुमारास पोलीस पथकाने हा व्यवहार होण्यापूर्वीच संशयित महिलांना ब्राऊन शुगरसह ताब्यात घेतले.

घटनास्थळी पोलीस उपअधीक्षक डॉ. कुणाल सोनवणे, स्थानिक गुन्हे शाखेचे पोलीस निरीक्षक किरणकुमार बकाले, रावेर येथील पोलीस निरीक्षक कैलास नागरे, तहसीलदार उषाराणी देवगुणे, विनोद पाटील यांच्यासह शासकीय पंच रावेरमध्ये दाखल झाले होते. ब्राउन शुगरची तपासणी करण्यात आली. घटनास्थळी पंचनामा करण्यात आला.

हेही वाचा : मुंबई एनसीबी पथकाची नांदेडमध्ये मोठी कारवाई, ११२७ किलो गांजा जप्त, विशाखापट्टणम ‘कनेक्शन’

दरम्यान, जिल्ह्यातील गांजा प्रकरण, गावठी कट्टे प्रकरणानंतर आता ब्राउन शुगर प्रकरण उघडकीस आल्याने खळबळ उडाली आहे.