पुढच्या आठ दिवसांत मंदिरं खुली करा; राज्यभरात विविध ठिकाणी भाजपा आक्रमक

पुणे, नाशिक, नागपूर या ठिकाणी घंटानाद तसंच शंखनाद आंदोलन कऱण्यात येत आहे. तर पुण्यात राज्यातील मंदिर भाविकांना दर्शनासाठी खुली करण्यात यावी, या मागणीसाठी पुण्यातील कसबा गणपती मंदिरासमोर भाजपा प्रदेश अध्यक्ष आमदार चंद्रकांत पाटील यांच्या नेतृत्वाखाली आंदोलन करण्यात येत आहे. तर नाशकातही हिंदुत्ववादी संघटनांनी आंदोलन केलं आहे. रामकुंड इथल्या मंदिरात शंखनाद आंदोलन करण्यात आलं आहे.

यासोबतच मुंबई, शिर्डी, औरंगाबाद, बुलडाणा आणि अमरावतीसह राज्यभरात भाजपाकडून घंटानाद आणि शंखनाद आंदोलन केलं जात आहे. नागपूरातल्या कोराडी मंदिरातही आंदोलन होत आहे. या आंदोलनांच्या पार्श्वभूमीवर मंदिर परिसरात कडेकोट पोलीस बंदोबस्त लावण्यात आला आहे. नागपूरात चंद्रशेखर बावनकुळे यांच्या नेतृत्वाखाली तर पुण्यात चंद्रकांत पाटील यांच्या नेतृत्वाखाली हे आंदोलन सुरु आहे.