सातारा : सातारा जिल्ह्यात स्वच्छतेच्या बाबतीत सन २००१ पासून मोठी भरारी घेतली आहे. जिल्ह्यातील उघड्यावरील पाणंदमुक्त उपक्रम मार्गी लागला आहे. जिल्ह्यात शंभर टक्के कुटुंबाकडे वैयक्तिक शौचालय सुविधा निर्माण झाली असून, ग्रामीण भागातील ग्रामस्थ शौचालय सुविधेचा वापर करत असलेले दिसून येत आहे, यामुळे आरोग्यमान सुधारले आहे. सध्या जिल्ह्यात सांडपाणी व्यवस्थापन व घनकचरा व्यवस्थापन यासाठी विविध प्रकल्पांची उभारणी सुरू आहे. यावर अभ्यास करण्यासाठी राजस्थान सरकारची मुख्य कार्यकारी अधिकारी व कार्यकारी अभियंता यांचे पथक सातारा जिल्हा दौऱ्यास आले आहे.
खंडाळा तालुक्यात दोन ठिकाणी उभारण्यात आलेले हे प्रकल्प पथदर्शी आहेत. याचा आदर्श घ्यावा. असे प्रकल्प गावा गावात होणे गरजेचे असल्याचे प्रतिपादन राजस्थान मधील अलवर जिल्हा परिषदेचे मुख्य कार्यकारी अधिकारी गौरव साळुंखे यांनी केले. खंडाळा तालुक्यातील शिरवळ आणि विंग ग्रामपंचायतीने उभारलेल्या सांडपाणी व घनकचरा प्रकल्पची पाहणी करण्यासाठी राजस्थान राज्यातील अलवर, भरतपूर, गगननगर येथील अधिकाऱ्यांनी प्रकल्पाला भेट देऊन पाहणी केली.ग्रामपंचायत विग व शिरवळ (ता. खंडाळा) येथे सांडपाणी प्रकल्प व घनकचरा प्रकल्पची पाहणी पथकात मुख्य कार्यकारी अधिकारी, जिल्हा परिषद अलवर,
गौरव साळुंखे (भारतीय प्रशासकीय सेवा) मुख्य कार्यकारी अधिकारी जिल्हा परिषद गगन नगर गिरीधर तसेच कार्यकारी अभियंता जिल्हा परिषद गगन नगर रमेश कुमार मदन, कार्यकरी अभियंता अलवर, नंदकुमार लखीवाल या सर्वांचे स्वागत सातारा जिल्हा परिषद येथे मुख्य कार्यकारी अधिकारी याशनी नागराजन यांच्या हस्ते स्वागत करण्यात आले. यावेळी जिल्हा परिषद जिल्ह्यात राबवत असलेल्या सर्व योजनांची माहिती दिली. तसेच जिल्ह्यात स्वच्छतेच्या दृष्टीने चाललेल्या उपक्रमांची माहिती दिली.
यावेळी अतिरिक्त मुख्य कार्यकारी अधिकारी, राहुल गावडे व स्वछता विभागाच्या उप मुख्य कार्यकारी अधिकारी प्रज्ञा माने भोसले, मुख्य व लेखा वित्त अधिकारी राहुल कदम, समाज कल्याण अधिकारी विद्याधर चल्लवर, उपस्थिती होते.
या पथकाने ग्रामपंचायत विंग येथील सांडपाणी व्यवस्थापनाच्या (एसटीपी) प्रकल्पाची पाहणी केली. गावातील सर्व सांडपाणी एकत्रित करून त्याचे शुद्धीकरण केले जाते व ते पाणी बाग बगीचाला वापरले जाते. हा प्रकल्प पाहून त्यांनी प्रकल्पाचे कौतुक केले. यावेळी सरपंच स्वप्निल तळेकर उपसरपंच पूनम तळेकर, ग्रामपंचायत अधिकारी लक्ष्मण पडळकर सर्व ग्रामपंचायत सदस्य ग्राप कर्मचारी, बचत गटातील महिला, आरोग्य कर्मचारी उपस्थित होते.चौकटया पथकाने महाबळेश्वर तालुक्यातील काही गावातील स्वच्छतेची पाहणी केली. यावेळी क्षेत्र महाबळेश्वर व गुरेघर ग्रामपंचायतीस भेट दिली. यावेळी महाबळेश्वर तालुक्याचे गटविकास अधिकारी विजय विभुते , तालुका समन्व्यक विशाल घाडगे, ग्रामपंचायत अधिकारी वैभव काळे,प्रशांत रणपिसे, महेश बावळेकर, उप सरपंच महादेव ओबळे उपस्थिती होते.
