scorecardresearch

Premium

“…तेव्हा अजित पवारांना ५ वर्षांसाठी मुख्यमंत्री करू”, फडणवीसांच्या वक्तव्यावर रोहित पवारांची खोचक प्रतिक्रिया, म्हणाले…

देवेंद्र फडणवीसांच्या ‘त्या’ वक्तव्यावर रोहित पवारांनी खोचक प्रतिक्रिया दिली आहे.

rohit pawar on devendra fadnavis
देवेंद्र फडणवीसांकडून अजित पवारांच्या अर्थमंत्रालयावर अंकुश ठेवला जात असल्याचा आरोप रोहित पवारांनी केला आहे. ( संग्रहित छायाचित्र )

राज्याचे उपमुख्यमंत्री देवेंद्र फडणवीस यांनी अलीकडेच राज्याचे दुसरे उपमुख्यमंत्री अजित पवार यांना मुख्यमंत्री करण्याबाबत मोठं विधान केलं होतं. अजित पवारांना मुख्यमंत्री करायचं असेल तर त्यांना पाच वर्षांसाठी मुख्यमंत्री करू. जेव्हा वेळ येईल, तेव्हा त्यांना मुख्यमंत्री करू, असं विधान देवेंद्र फडणवीस यांनी केलं होतं. देवेंद्र फडणवीसांच्या या विधानावरून आता राष्ट्रवादी काँग्रेसचे आमदार रोहित पवार यांनी टीकास्र सोडलं आहे.

देवेंद्र फडणवीस हे अजित पवारांना पुन्हा कधीतरी मुख्यमंत्री करू, असंच म्हणाले असतील. आता मुख्यमंत्री करू, असं ते (देवेंद्र फडणवीस) कधीच म्हणणार नाहीत, अशी टीका रोहित पवारांनी केली. देवेंद्र फडणवीसांना ‘पुन्हा’ हा शब्द खूप आवडतो, असा टोलाही रोहित पवारांनी लगावला. ते प्रसारमाध्यमांशी बोलत होते.

ajit pawar budget speech
अजित पवारांनी कुसुमाग्रजांच्या ‘या’ कवितेच्या ओळी म्हणताच सभागृहात हशा; म्हणाले, “विरोधकांनी प्रतिक्रियांचा पुनर्विचार करावा!”
What Jitendra Awhad Said?
“…तर अजित पवार शरद पवारांच्या पायाशी येऊन बसतील”, जितेंद्र आव्हाड यांचं वक्तव्य
tasgaon rr patil latest news in marathi, rr patil marathi news, rr patil loksabha election marathi news
तासगावमध्ये आर.आर.आबांच्या वारसदारांपुढे आव्हान
Amruta Fadnavis on devendra Fadnavis
“निखिल वागळे अभिव्यक्ती स्वातंत्र्याचा…”, कायदा-सुव्यवस्थेवरून अमृता फडणवीसांची प्रतिक्रिया, म्हणाल्या…

हेही वाचा- एकनाथ शिंदेंची साथ असताना अजित पवारांना युतीत का घेतलं? फडणवीसांनी दिलं उत्तर, म्हणाले…

अजित पवारांना मुख्यमंत्री करण्याबाबत देवेंद्र फडणवीसांनी केलेल्या विधानावर भाष्य करताना रोहित पवार म्हणाले की, देवेंद्र फडणवीस असं कधीही म्हणणार नाहीत की, अजित पवारांना आता मुख्यमंत्री करू. ते नेहमी म्हणतील पुन्हा कधीतरी मुख्यमंत्री करू. त्यांना ‘पुन्हा’ हा शब्द खूप आवडतो.

हेही वाचा- “…तेव्हा अजित पवारांना ५ वर्षांसाठी मुख्यमंत्री बनवू”, देवेंद्र फडणवीसांचं सूचक वक्तव्य

“जेव्हा रुग्णालयात सामान्य लोक मरण पावतात, तेव्हा आम्ही पुन्हा कधीतरी निर्णय घेऊ. जेव्हा शेतकरी अडचणीत असतात, तेव्हा आम्ही पुन्हा कधीतरी निर्णय घेऊ, असं ते म्हणतात. म्हणजे या सरकारमधील सगळे नेते झोपलेत का? त्यांना कळत नाही का? सरकारमध्ये काय सुरू आहे?” असा संतप्त सवालही रोहित पवारांनी विचारलं.

देवेंद्र फडणवीस नेमकं काय म्हणाले होते?

अलीकडेच एका इंग्रजी वृत्तवाहिनीने उपमुख्यमंत्री देवेंद्र फडणवीस यांची मुलाखत घेतली होती. यावेळी सहा महिन्यात अजित पवार मुख्यमंत्री होतील, या चर्चेबाबत विचारलं असता देवेंद्र फडणवीस म्हणाले, “पहिली बाब म्हणजे सहा महिन्यांत कोणत्याही गोष्टी बदलत नाहीत. अजित पवारांना जेव्हा मुख्यमंत्री बनवायचं असेल, तेव्हा त्यांना पाच वर्षांसाठी मुख्यमंत्री बनवू. जेव्हा संधी मिळेल तेव्हा त्यांना मुख्यमंत्री करू.”

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rohit pawar reaction on devendra fadnavis statement to make ajit pawar cm for 5 years rmm

First published on: 07-10-2023 at 19:48 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×