राष्ट्रपती प्रणब मुखर्जी यांनी शनिवारी सामाजिक कार्यकर्ते युवराज संभाजीराजे छत्रपती यांची राज्यसभेवर नियुक्ती केली. संभाजीराजे यांना राज्यसभेवर पाठवून भाजपने राष्ट्रवादी काँग्रेस आणि शिवसेनेला एकप्रकारे शह दिल्याचे मानले जात आहे. युवराज संभाजीराजे यांच्यामुळे भाजपचे कोल्हापूर जिल्ह्यातील बळ वाढण्यास मदत होणार आहे. यापूर्वी कोल्हापूरच्या राजकारणात राजकीय पक्षांकडून युवराज संभाजीराजे व युवराज मालोजीराजे यांना गळाला लावण्याचे प्रयत्न झाले होते. मात्र, या प्रयत्नांना म्हणावे तितके यश आले नव्हते.
