“त्यासाठी तुमची गरज नाही”, संजय राऊतांचा माजी लष्करप्रमुखांना टोला; म्हणाले. “पाकव्याप्त काश्मीर…

खासदार संजय राऊत म्हणाले, लष्कराचे प्रमुखपद भूषवलेल्या एखाद्या व्यक्तीने इतकं बेजबाबदार वक्तव्य करू नये. आधी चीनने लडाखची जमीन गिळलीय ती ताब्यात घ्या. लडाख, अरुणाचल प्रदेश, गलवान खोरे येथील चीनने ताब्यात घेतलेला भाग परत घ्या. चीनचं सैन्य या प्रदेशात घुसलंय तो भाग ताब्यात घ्या. मग पुढचं आपण पाहू. पाकव्याप्त काश्मीर भारतात आला तर त्याचं स्वागतच आहे.

संजय राऊत म्हणाले, आम्ही नेहमी स्वप्न पाहिलं आहे. अंखड भारत बनावा, अखंड हिंदुस्थान बनावा असं आमचं स्वप्न राहिलं आहे. पाकव्याप्त काश्मीर हा आमचा भाग आहे आणि आम्ही नेहमी म्हणत आलो आहोत की तो आपल्या देशातच असावा. परंतु व्ही. के. सिंह ज्यावेळी त्या पदावर (लष्करप्रमुख) होते तेव्हा तो प्रदेश घेण्याचा प्रयत्न त्यांनी करायला हवा होता. आता कसा घेणार?

हे ही वाचा >> “…म्हणून शिंदे-फडणवीस सरकारला मनोज जरांगेंचं आंदोलन गुंडाळायचं आहे”, संजय राऊतांचा आरोप

संजय राऊत म्हणाले पाकव्याप्त काश्मीर भारतात येईल, त्यआधी मणिपूर शांत करा. मणिपूरपर्यंत चीन घुसलाय. राहुल गांधी म्हणत आहेत की लडाखमध्ये चीन घुसलाय, अरुणाचल प्रदेशमधील बराचसा भाग चीनने त्यांच्या नकाशावर दाखवला आहे, हे प्रकरण पहिलं संपवा. त्यानंतर पाकव्याप्त काश्मीर घ्या. पाकव्याप्त काश्मीर भारतात येईल, त्यासाठी तुमची गरज नाही.