scorecardresearch

Premium

“…म्हणून शरद पवारांनी रोहित पवारांच्या कंपनीवरील कारवाईवर बोलणं टाळलं”, शिंदे गटाचा टोला

शरद पवार यांच्या गटातील आमदार रोहित पवार यांना बारामती अ‍ॅग्रो कंपनीला प्रदूषण नियंत्रक मंडळाने नोटीस बजावली आहे.

Sharad Pawar Rohit Pawar Eknath SHinde
शरद पवार यांनी रोहित पवारांच्या कंपनीवरील कारवाईबाबत बोलणं टाळलं.

राष्ट्रवादी काँग्रेस पक्षात दोन गट पडल्यापासून शरद पवार यांच्या गटातील आमदार रोहित पवार हे सातत्याने आक्रमक होत राज्य सरकारला धारेवर धरत आहेत. अशातच रोहित पवार यांच्या बारामती अ‍ॅग्रो या कंपनीवर राज्य सरकारकडून कारवाई सुरू झाल्याचं समोर आलं आहे. महाराष्ट्र प्रदूषण नियंत्रण मंडळाने रोहित पवारांशी संबंधित बारामती अ‍ॅग्रो या कंपनीला नोटीस पाठवली आहे. या नोटीशीद्वारे बारामती अ‍ॅग्रोचे दोन प्लान्ट बंद करण्याची सूचना करण्यात आली आहे. दरम्यान, दोन मोठ्या नेत्यांच्या सांगण्यावरून ही कारवाई केली असल्याचं रोहित पवार यांनी म्हटलं आहे.

दरम्यान, या कारवाईबाबत राष्ट्रवादी काँग्रेस पार्टीचे सर्वेसर्वा शरद पवार यांनी कोणतीही प्रतिक्रिया दिली नाही. शरद पवार यांनी काही वेळापूर्वी बारामती येथे पत्रकारांशी संवाद साधला. यावेळी पत्रकारांनी शरद पवार यांना रोहित पवारांच्या कंपनीवरील कारवाईबाबत प्रश्न विचारला. त्यावर शरद पवार म्हणाले, मी त्यावर उत्तर देऊ इच्छित नाही.

Special inspection drive of ST depo
राज्यभरातील एसटी आगारांची विशेष तपासणी मोहीम; आगार, प्रसाधनगृहे अस्वच्छ दिसल्यास तत्काळ कारवाई
Amol Mitkari on Jitendra Awhad
‘घाऱ्या डोळ्यांचा तथाकथित पुरोगामी’, अजित पवारांवरील टीकेनंतर अमोल मिटकरींचा आव्हाडांवर पलटवार
Eknath Shinde warning ST Corporation officers
अन्यथा सगळ्यांचीच सफाई होईल, मुख्यमंत्री एकनाथ शिंदे यांचा अधिकाऱ्यांना इशारा
Construction Minister ravindra chavans program boycotted by Guardian Ministers and MP
महायुतीतील घटक पक्षाच्या पदाधिकाऱ्यांच्या घरी गेल्याने बांधकाम मंत्री चव्हाण यांच्या कार्यक्रमावर पालकमंत्री, खासदारांचा बहिष्कार

शरद पवार यांनी रोहित पवार यांच्या कंपनीवरील कारवाईबाबत प्रतिक्रिया देणं टाळल्यामुळे वेगवेगळ्या राजकीय चर्चांना उधाण आहे. यावर आता राजकीय प्रतिक्रियादेखील येऊ लागल्या आहेत. दरम्यान, शिवसेनेच्या शिंदे गटाचे प्रवक्ते आणि आमदार संजय शिरसाट म्हणाले, शरद पवार यांना परिणामाची कल्पना असल्यामुळेच त्यांनी याविषयी बोलणं टाळलं.

हे ही वाचा >> “…तेव्हा उबाठा गटाचे सैनिक बच्चे होते”, मराठी पाट्यांच्या मुद्यावरून मनसेचा टोला

आमदार संजय शिरसाट म्हणाले, ते शरद पवार आहेत, त्यांनाही माहिती आहे की या कारवाईमध्ये काय दडलंय? याप्रकरणी पुढे होणारे परिणाम शरद पवार यांना माहिती असावेत म्हणूनच त्यांनी याविषयी बोलणं टाळलं. यावर प्रसारमाध्यमांच्या प्रतिनिधींनी शिरसाट यांना विचारलं की, नेमके काय परिणाम होणार आहेत? त्यावर संजय शिरसाट म्हणाले, ते परिणाम शरद पवारांना माहिती असतील. मी काही शरद पवारांइतका मोठा नेता नाही. त्यामुळे मला त्याबद्दल माहिती नाही. शरद पवारांना परिणामांची जाणीव असल्याने त्यांनी याविषयी बोलणं टाळलं.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sanjay shirsat on why sharad pawar avoid talking on action against rohit pawar baramati agro company asc

First published on: 29-09-2023 at 13:24 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×