कल्याण-डोंबिवलीचे माजी महापौर राजेंद्र देवळेकर यांचं निधन

काही दिवसांपूर्वी करोनावर केली होती मात

कल्याण-डोंबिवलीचे माजी महापौर आणि शिवसेनेचे ज्येष्ठ नगरसेवक राजेंद्र देवळेकर यांचं आज हृदयविकाराच्या झटक्यानं निधन झालं. गेल्या काही दिवसांपासून त्यांच्यावर खासगी रुग्णालयात उपचार सुरू होते. मिळालेल्या माहितीनुसार काही दिवसांपूर्वी देवळेकर यांना करोनाची लागण झाली होती. उपचारानंतर त्यांनी करोनावर मातही केली होती. परंतु आज हृदयविकाराच्या झटक्यानं त्यांचं निधन झालं. कल्याण-डोंबिवलीतील एक अभ्यासू नगरसेवक म्हणून त्यांची ओळख होती.

सलग चार वेळा राजेंद्र देवळेकर हे मोठ्या मताधिक्यानं निवडून आले होते. संघटनेसाठी कायम झटणारे नेते, मनमिळावू आणि अभ्यासू व्यक्तीमत्व म्हणून देवळेकर परिचयाचे होते. २०१५ मध्ये निवडणुकीत शिवसेनेला यश मिळाल्यानंतर देवळेकर यांची महापौरपदी निवड करण्यात आली. अडीच वर्षांच्या कालावधीत त्यांनी अनेक कामं मार्ग लावली. पालिका कार्यक्षेत्राच्या विकासासाठी त्यांनी मोठं योगदान दिलं.

त्यांच्या पश्चात पत्नी आणि मुलगा असा परिवार आहे. त्यांच्या निधानाचं वृत्त समजताच सर्वपक्षीय राजकारणी आणि लोकप्रतिनिधींनी शोक व्यक्त केला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Shiv sena kalyan dombivali former mayor rajendra devlekar passes away jud

Next Story
‘कोरा कागद निळी शाई, आम्ही कोणाला भीत नाही’!
ताज्या बातम्या