अलिबाग: उद्धव ठाकरे यांच्या कार्यशैलीवर  कार्यकर्ते नाराज – नीलम गोऱ्हे

हेही वाचा >>> “मविआपेक्षा दुप्पट जागा भाजपाला”, ग्रामपंचायतींच्या निवडणूक निकालावरून फडणवीसांचा टोला

शिवसेनाप्रमुख बाळासाहेब ठाकरे यांचे सुपुत्र उद्धव ठाकरे महाराष्ट्राचे मुख्यमंत्री झाले याचे आम्हा सर्वाना समाधान होते. त्यांना मुख्यमंत्री करण्यात आमचाही सहभाग होता, याचा आम्हाला अनंद होता. परंतु त्यांच्या आजारपणामुळे किंवा इतर करणांमुळे ते पदाला वेळ देऊ शकत नव्हते. त्यांच्यात कृतीशीलतेचा अभाव होता. ते आमदारांना वेळ देऊ शकत नव्हते. बैठकीला थोडा वेळ यायचे  आणि निघून जायचे. त्यानंतर कोणीतरी त्यांच्या वतीने बैठक सुरू ठेवायचे. त्यामुळे नाराजी होती. आजही उद्धव ठाकरे यांच्या कर्याशैलीवर कार्यकर्ते नाराज आहेत. केवळ बाळासाहेब ठाकरे यांचा पक्ष आहे म्हणून कार्यकर्ते त्या पक्षात आहेत. उद्धव ठाकरे यांना त्यांच्या कार्यशैलीत बदल करावा लागेल, असे डॉ. गोऱ्हे म्हणाल्या. एकनाथ शिंदे  कृतिशील व लोकाभिमुख मुख्यमंत्री आहेत. ते प्रभावीपणे काम करत आहेत. ते  आमदारांना सांभाळून घेतात. त्यांचे म्हणणे ऐकून घेतात. उद्धव ठाकरे मुख्यमंत्री असताना मुख्यमंत्री साहाय्यता निधीतून केवळ २७ कोटी रुपयांचा निधी देण्यात आला.

हेही वाचा >>> VIDEO : “भूपेश बघेल भाजपात गेले, तर ‘महादेव’ बेटिंग अ‍ॅपचे…”, उद्धव ठाकरेंचा हल्लाबोल

एकनाथ शिंदे मुख्यमंत्री झाल्यापासून २०० कोटींपेक्षा जास्त निधी मुख्यमंत्री साहाय्यता निधीतून देण्यात आला. तो थेट लाभार्थ्यांपर्यंत पोहचला, असे डॉ. नीलम गोऱ्हे यांनी सांगितले. स्त्री सक्षमीकरणासाठी शासन अनेक योजना राबवते. या योजना स्त्रियांपर्यंत पोहचत नाहीत. स्त्री सबलीकरण करण्यासाठी केवळ शासनावर अवलंबून न राहता समाजाचा सहभाग देखील त्यासाठी महत्त्वाचा आहे. जास्तीत जास्त योजना स्त्रीकेंद्रित असल्या पाहिजेत. जसा जिल्हा वार्षिक आराखडा असतो तसा प्रत्येक जिल्ह्यात  महिलांसाठी सेवा जिल्हा आराखडा असला पाहिजे. राज्याच्या सीमेवरील जिल्ह्यांमध्ये बेकायदेशीर  फिरते गर्भलिंग निदान केंद्र चालवली जातात. त्यातून महिलांना शेजारच्या राज्यांमध्ये नेऊन गर्भपात केला जातो. त्यांच्यावर कारवाई केली पाहिजे, असे डॉ. निलम गोऱ्हे म्हणाल्या.