सांगली : शिवाजी विद्यापीठाच्या पथकाने सादर केलेल्या चरचरणाऱ्या फँटसीचे युद्ध या एकांकिकेने सांगलीत आयोजित पीएनजी महाकरंडक एकांकिका स्पर्धेत प्रथम क्रमांक पटकाविला. मंगळवारी रात्री उशिरा स्पर्धेतील विजेते घोषित करून पीएनजीचे संचालक सिद्धार्थ गाडगीळ यांच्या हस्ते पुरस्कार वितरित करण्यात आले. अखिल भारतीय मराठी नाट्य परिषदेच्या सांगली शाखेने या स्पर्धेचे आयोजन केले होते.
शिवाजी विद्यापीठाच्या संगीत व नाट्यशास्त्र विभागाने सादर केलेली चरचरणाऱ्या फँटसीचे युद्ध ही एकांकिका अव्वल ठरली. स्पर्धेतील अन्य विजेते असे – द्वितीय क्रमांक – मॉडर्न महाविद्यालय, पुणे – वामन आख्यान; तृतीय क्रमांक – प्रेम की यातना, संगमनेर महाविद्यालय, सोलापूर; उत्तेजनार्थ पहिला- मराठवाडा मित्र मंडळाचे शंकरराव चव्हाण विधी महाविद्यालय, पुणे. बोहाडा; देशभक्त रत्नाप्पाण्णा कुंभार कॉलेज ऑफ कॉमर्स कोल्हापूर – ग्वाही;
दिग्दर्शन विभागात कादंबरी माळी यांना प्रथम क्रमांक, तर अनिकेत खरात, दीपक शिंदे यांना दुसरा व तिसरा क्रमांक जाहीर करण्यात आला. स्त्री अभिनयामध्ये कादंबरी माळी यांना पहिला, केतकी भाळवणकर यांना दुसरा, अक्षता बारटक्के यांना तिसरा क्रमांक मिळाला. पूर्वा जोतावर, संयोगिता चौधरी, वैष्णवी कुंभार, स्वरा जोग व मृणाल पाटील यांना बक्षीस देण्यात आले.
पुरुष अभिनयामध्ये जैद शेख यांना प्रथम पुरस्कार, तर प्रांजल पडळकर, मुकुल ढेकळे यांना दुसरा व तिसरा क्रमांक देण्यात आला. अभिनव तोरणे, अभिषेक हिरेमठ, भूषण चांदणे, राजस बर्वे यांना उत्तेजनार्थ पुरस्कार देण्यात आला.
नेपथ्य – प्रथम क्रमांक – चिन्मय मोरे , आशुतोष देशमाने- एकांकिका- एका हाताची गोष्ट ,डी वाय पाटील अभियांत्रिकी आणि तंत्रज्ञान महाविद्यालय, कोल्हापूर.
द्वितीय क्रमांक- साहिल जाधव, एकांकिका -ग्वाही, देशभक्त रत्नाप्पा कुंभार कॉलेज ऑफ कॉमर्स ,कोल्हापूर.
तृतीय क्रमांक -श्रावणी कुलकर्णी, आर्या काटे- एकांकिका- अव्यक्त- चिंतामणराव व्यापार महाविद्यालय सांगली.
प्रकाश योजना- प्रथम क्रमांक -राज दीक्षित- एकांकिका- इन बिटवीन ऑफ-बृहन महाराष्ट्र वाणिज्य महाविद्यालय पुणे
द्वितीय क्रमांक -प्रतीक यादव एकांकिका -एक डॉट-भारती विद्यापीठाचे अभियांत्रिकी महाविद्यालय ,कोल्हापूर.
तृतीय क्रमांक -ज्ञानेश पाटील ,एकांकिका -जीनियस , तंत्रज्ञान अधि विभाग शिवाजी विद्यापीठ ,कोल्हापूर.
पार्श्वसंगीत
प्रथम क्रमांक -अनुद सरदेशमुख -प्रेम की यातना.
द्वितीय क्रमांक-शुभम चौगुले- चरचरणाऱ्या फॅन्टसीचे युद्ध.
तृतीय क्रमांक -प्रतीक्षा सदलगे, आरती सदाफुले- नेकी.
यावेळी व्यासपीठावर नाट्यपरिषदेच्या मध्यवर्ती कार्यकारिणीचे सदस्य संदीप पाटील,नियामक मंडळाचे सदस्य मुकुंद पटवर्धन, चंद्रकांत धामणीकर, सांगली शाखेचे अध्यक्ष प्रा.डॉ.भास्कर ताम्हनकर, अखिल महाराष्ट्र नाट्य विद्या मंदिर समितीचे अध्यक्ष डॉ शरद कराळे,स्पर्धा समितीचे अध्यक्ष सचिन पारेख उपस्थित होते.
गेले दोन दिवस सुरु असलेल्या या स्पर्धेमध्ये महाविद्यालयीन तरुणांनी दर्जेदार प्रयोग सादर करुन सर्व रसिक प्रेक्षकांची वाहवा मिळवली. हे सर्व पहाता मराठी रंगभूमीचे भवितव्य उज्वल वाटते असा आशावाद संचालक गाडगीळ यांनी व्यक्त केला.
सांस्कृतिक चळवळीत सक्रिय सहभाग म्हणून सुरु केलेल्या पीएनजी महाकरंडक स्पर्धेला राज्यस्तरीय स्वरुप प्राप्त होत असल्याबद्दल गाडगीळ यांनी आनंद व्यक्त केला. नरेंद्र आमले आणि सौ. मधुवंती हसबनीस यांनी स्पर्धेचे परीक्षण केले. आमले यांनी कलाकार आणि तंत्रज्ञांनी इतरांचेही प्रयोग पाहून आपली अभिव्यक्ती घडवावी अशी अपेक्षा व्यक्त केली.या कार्यक्रमाचे स्वागत व प्रास्ताविक अध्यक्ष प्राचार्य डॉ.भास्कर ताम्हनकर यांनी केले. स्पर्धा समितीचे अध्यक्ष सचिन पारेख यांनी स्पर्धेचा आढावा घेतला.कार्यवाह विशाल कुलकर्णी आणि शशांक लिमये यांनी खुमासदार सूत्र संचालन करुन पारितोषिक वितरण समारंभाची रंगत वाढवली.
