शिवसंग्रामचे नेते विनायक मेटेंच्या पुतण्याची राहत्या घरी आत्महत्या

शिवसंग्राम संघटनेचे दिवंगत नेते विनायक मेटे यांच्या पुतण्याने राहत्या घरी आत्महत्या केल्याची खळबळजनक घटना समोर आली आहे. सचिन मेटे असं विनायक मेटेंच्या पुतण्याचं नाव असून त्यांनी बीड जिल्ह्याच्या केज तालुक्यातील राजेगाव येथे राहत्या घरी गळफास घेऊन आत्महत्या केली. सचिन मेटे यांनी नेमक्या कोणत्या कारणातून आत्महत्या केली, याची अधिकृत माहिती अद्याप समोर आली नाही. सचिनच्या आत्महत्येची माहिती समोर येताच गावात खळबळ उडाली आहे. आत्महत्येच्या नेमक्या कारणाचा शोध पोलीस घेत आहेत.